ჟურნალისტთა საერთაშორისო ფედერაციამ (IFJ ) დაგმო პრეზიდენტ მიხეილ სააკაშვილის მიერ ცენზურისa და მედიაზე შეზღუდვების დაწესება, რაც თავისუფლად მუშაობის საშუალებას არ აძლევს მედია ორგანიზაციებს ორკვირიანი საგანგებო მდგომარეობის პერიოდში.
„ცენზურა ვერასოდეს გადაჭრის პრობლემას. იგი მხოლოდ წარმოშობს ეჭვებს და ამძაფრებს კრიზისს“,- აცხადებს IFJ-ის გენერალური მდივანი აიდან უაიტი.
IFJ უერთდება საერთაშორისო საზოგადოების სხვა წევრებს, რომლებიც გმობენ საქართველოს მედიაზე დაწესებულ აკრძალვას და მოითხოვენ მედიის თავისუფლების დაუყოვნებლივ აღდგენას.
„აკრძალვა მედიაზე და დამოუკიდებელი მაუწყებლობის ჩახშობა, ასეთ კრიტიკულ ვითარებაში, სერიოზულ დარტყმას აყენებს პრესის თავისუფლებას და საზოგადოების უფლებას იყოს ინფორმირებული მიმდინარე მოვლენების შესახებ,“ -განაცხადა IFJ-ის გენერალურმა მდივანმა.
მისივე თქმით, „თუ პრეზიდენტ სააკაშვილს სურს უზრუნველყოს დემოკრატიული და სამართლიანი არჩევნები, მან უფლება უნდა მისცეს ყველა დამოუკიდებელ მედია საშუალებას გააშუქოს მიმდინარე პროცესები“.
წყარო: Media.ge