ევროპის კომერციული ტელევიზიების ასოციაცია ევროპის 34 ქვეყანაში მოქმედი ტელეკომპანიების სახელით შეშფოთებას გამოხატავს ტელეკომპანია „იმედის” გათიშვისა და დანარჩენი არასახელმწიფო მაუწყებლებისთვის ახალი ამბების გადაცემის აკრძალვის გამო.
ასოციაციის წარმომადგენლები ევროკავშირის ინსტიტუტებს მოუწოდებენ, მკაფიოდ განუმარტონ საქართველოს ხელისუფლებას, რომ დამოუკიდებელი მედია-საშუალებები დღევანდელ ევროპაში არ იხურება.
ასოციაციის გენერალური დირექტორის როს ბიგამის განცხადებით, დემოკრატიულ საზოგადოებაში არ არსებობს გარემოება, რომელიც გაამართლებს სამხედრო პოლიციის მიერ დამოუკიდებელი მაუწყებლის ეთერიდან ძალის გამოყენებით გათიშვას. იგი პლურალისტურ მედიას ევროპული დემოკრატიის ქვაკუთხედს უწოდებს და იმედს გამოთქვამს, რომ ევროპული ინსტიტუტები მათთან ერთად დაგმობენ ამ სრულიად მიუღებელ საქციელს და საქართველო მალე დაუბრუნდება ევროპული, დემოკრატიული განვითარების გზას.
წყარო: მედიანიუსი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
