22:07, Wednesday, 02.12.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ევროპარლამენტის რეზოლუცია პოლიტიკურ სამართალწარმოებაზე საქართველოში

22.09.2020

 
საქართველოსა და ევროკავშირს შორის გაფორმებული ასოცირების ხელშეკრულების იმპლემენტაციის შესახებ, ევროპარლამენტის რეზოლუციის ერთ-ერთი პუნქტი ოპოზიციონერი პოლიტიკოსების მიმართ სამართლებრივ დევნას ეხება. კერძოდ, ევროპარლამენტი შეშფოთებას გამოთქვამს საქართველოში ოპოზიციონერი  პოლიტიკოსების წინააღმდეგ  ბოლო დროს მიმდინარე სასამართლო პროცესების გამო,  რომლებმაც შეარყია ნდობა მმართველ პარტიასა და ოპოზიციას შორის და რომლებმაც შესაძლოა უარყოფითად იმოქმედოს ასოცირების ხელშეკრულებასთან და  ღრმა და ყოვლისმომცველი თავისუფალი სავაჭრო სივრცის შესახებ შეთანხმებასთან დაკავშირებული რეფორმების გატარებაზე. დოკუმენტში დადებითად არის შეფასებული პრეზიდენტის მიერ ოპოზიციური პარტიის ლიდერების შეწყალების საკითხი. 
 
რეზოლუცია მოუწოდებს საქართველოს მთავრობას, თავი შეიკავოს პოლიტიკურად მოტივირებული სამართალწარმოებისგან და პატივი სცეს კანონის უზენაესობის სტანდარტებს, განსაკუთრებით,- სასამართლოს დამოუკიდებლობას, სამართლიანი სასამართლოს უფლებას, და ადამიანის უფლებებს, რასაც ითვალისწინებს ასოცირების ხელშეკრულება. გარდა ამისა, დოკუმენტი მოუწოდებს ევროკავშირის დელეგაციას, მონიტორინგი გაუწიოს ოპოზიციონერი პოლიტიკოსების მიმართ მიმდინარე პროცესებს. ამასთანავე, რეზოლუცია საქართველოს მთავრობას მოუწოდებს, გამოიძიოს ყველა ის საქმე, რომლებშიც საქართველოს სამართალდამცავი ორგანოების მიერ მშვიდობიანი დემონსტრანტებისა და ჟურნალისტების მიმართ ძალის გადაჭარბებული გამოყენების ფაქტები იკვეთება, მათ შორის, 2019 წლის ივნისის საპროტესტო აქციების საქმეები. 
 
ადამიანის უფლებათა ცენტრი სრულად იზიარებს რეზოლუციის სულისკვეთებას და აგრძელებს საერთო სასამართლოებში მიმდინარე სავარაუდოდ პოლიტიკურად მოტივირებული საქმეების სასამართლო პროცესებზე დაკვირვებას. ამ დროისათვის ცენტრის დაკვირვების ქვეშ მოექცა 20 საქმე, რომლებშიც შესაძლოა იკვეთებოდეს პოლიტიკური მოტივები. 
 
ადამიანის უფლებათა ცენტრმა სავარაუდოდ პოლიტიკურად მოტივირებული საქმეების სასამართლო პროცესების და საპროტესტო აქციების მონიტორინგის შესახებ  შუალედური ანგარიშები საზოგადოებას 2020 წლის 30 აგვისტოს წარუდგინა.   

ადამიანის უფლებათა ცენტრი  სავარაუდოდ პოლიტიკურად მოტივირებული სისხლის სამართლის საქმეებს საერთო სასამართლოებში პროექტის - „საზოგადოებრივი მოვლენების მონიტორინგის“ ფარგლებში აკვირდება. პროექტი საპროტესტო აქციების მონიტორინგსაც ითვალისწინებს. პროექტის მხარდამჭერია აშშ-ის ფონდი - „ეროვნული წვლილი დემოკრატიისთვის“ (NED).

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC