20:34, Monday, 25.01.2021
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ადამიანის უფლებათა ცენტრი თბილისის საპროტესტო აქციებზე დაკავებულთა სასამართლო პროცესს აკვირდება

06.11.2020

 
ადამიანის უფლებათა ცენტრი თბილისის საქალაქო სასამართლოში თბილისის საოლქო საარჩევნო კომისიების შენობების მიმდებარედ საპროტესტო აქციაზე 4 ნოემბერს დაკავებული 7 აქტივისტის სასამართლო სხდომას აკვირდება. 

საპროტესტო აქციებზე დაკავებული აქტივისტების საქმეს თბილისის საქალაქო სასამართლოს ადმინისტრაციულ საქმეთა კოლეგიის მოსამართლე ნინო თარაშვილი განიხილავს.

საპროტესტო აქციაში მონაწილე შვიდივე აქტივისტი პოლიციამ ადმინისტრაციულ სამართალდარღვევათა კოდექსის 166-ე (წვრილმანი ხულიგნობა) და 173-ე (პოლიციელის მოთხოვნის დაუმორჩილებლობა) მუხლების საფუძველზე დააკავა. 

გუშინდელ სასამართლო სხდომაზე მოსამართლემ დაცვის მხარის  ორი შუამდგომლობა დააკმაყოფილა. ერთი ეხებოდა მოწმეთა დაკითხვას, ხოლო მეორე სხდომის გადადების საკითხს. სხდომის დასასრულს მოსამართლე ნინო თარაშვილმა შვიდივე დაკავებული სასამართლო სხდომის დარბაზიდან გაათავისუფლა. თუმცა, პროცესი დღეს გრძელდება. პროცესზე დაიკითხებიან მოწმეები - პარლამენტის დეპუტატობის კანდიდატი ხატია დეკანოიძე და ბექა პაპაშვილი. ამასთან, ადვოკატები წარადგენენ  დაკავების ამსახველ ვიდეოჩანაწერებს მტკიცებულების სახით.  

ადამიანის უფლებათა ცენტრი 4 ნოემბერს დაკავებული სამოქალაქო აქტივისტების სასამართლო პროცესს საზოგადოებრივი მოვლენების მონიტორინგის პროექტის ფარგლებში აკვირდება. ამ პროცესის გარდა ორგანიზაციის მონიტორინგის ქვეშ კიდევ 20 სავარაუდოდ პოლიტიკურად მოტივირებული სისხლის სამართლის და ადმინისტრაციული საქმეებია. 


პროექტს - „საზოგადოებრივი მოვლენების მონიტორინგი“ მხარს უჭერს აშშ-ის ფონდი „ეროვნული წვლილი დემოკრატიისთვის“ (NED). 
                                                                                                    
                                                                                               ადამიანის უფლებათა ცენტრი 

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2021 HRIDC