დავით ქაცარავას პოლიციელები სასტიკად გაუსწორდნენ

Humanrights.ge

14 მაისს, პარლამენტთან მიმდინარე საპროტესტო აქციაზე დაკავებული ანტისაოკუპაციო მოძრაობის ლიდერი, რომელსაც სამართალდამცველები სასტიკად გაუსწორდნენ, კვლავ კლინიკაში რჩება. დავით ქაცარავას ოპერაცია გვიან ღამით ჩაუტარდა, მას სახის ძვლები აქვს მოტეხილი.

დავით ქაცარავას სამართლებრივ ინტერესებს ადამიანის უფლებათა ცენტრის იურისტი, ეკა ქობესაშვილი იცავს. 

ქაცარავას ცემის ფაქტზე სპეციალურმა საგამოძიებო სამსახურმა 14 მაისს გამოძიება დაიწყო საქართველოს სისხლის სამართლის კოდექსის 333-ე მუხლის მესამე ნაწილის „ბ“ ქვეპუნქტით გათვალისწინებულ დანაშაულზე, რაც გულისხმობს სამსახურებრივი უფლებამოსილების გადამეტებას ძალადობით.