პორტალი ადამიანის უფლებების შესახებ

რუსთავში ლომოურის ქუჩაზე ოთხსართულიანი სახლის ეზოში ცემენტის ტომრები და მუშების ხელსაწყოები ყრია.  „ოქტომბრის ბოლოს უნდა ჩავაბაროთ ობიექტი და ვჩქარობთ“, – გვიხსნიან მუშები, რომლებიც ამ სახლის კაპიტალურ რემონტზე მუშაობენ. სამუშაობი შენობის ყველა სართულს ეხება. სამშენებლო ხმაურის გარდა, კორპუსის მეორე სართულიდან ბავშვების ჟრიამულიც ისმის.

კახეთში, კურორტ „ახტალის“ სანატორიუმიდან, აფხაზეთიდან დევნილთა 44 ოჯახი პოლიციის ძალით გასული წლის აგვისტოში გამოასახლეს. განსახლებისა და ლტოლვილთა სამინისტროს მიერ შეთავაზებულ ფართში გადასვლას მხოლოდ 4 ოჯახი დათანხმდა. დანარჩენი 40 ოჯახი დღემდე ან ახლობლის სახლს აფარებს თავს, ან ქირით ცხოვრობს. იძულებით გადაადგილებულ პირთა  თქმით, სამინისტროში მათ განუცხადეს, რომ „ურჩ დევნილებს“ არ ეხმარებიან.

„ადამიანის უფლებათა ცენტრს“ დევნილმა ოჯახმა მიმართა. მალხაზ შოშიტაშვილის ოჯახი სამი წელია, ხაშურის მუნიციპალიტეტის სოფელ ჩუმათელეთში, ძმის სახლში ცხოვრობს.