პორტალი ადამიანის უფლებების შესახებ

თბილისის საქალაქო სასამართლომ 15 მაისს არ დააკმაყოფილა პროკურატურის შაუმდგომლობა  ყოფილი შსს მინისტრის პირველი მოადგილის, გელა ხვედელიძის მიმართ აღკვეთის ღონისძიების სახით პატიმრობის შეფარდების შესახებ.   ბრალდებულს,  საპატიმრო უზრუნველყოფით, დაეკისრა გირაოს გადახდა  5000 ლარის ოდენობით.

ავღანეთში ჰელმანდის პროვინციაში მდებარე ქართულ ბაზაზე 13 მაისს მსხვერპლიანი ტერორისტული  შეტევის დროს 27 ქართველი სამხედრო მოსამსახურე დაშავდა, არცერთი მათგანის სიცოცხლეს საფრთხე არ ემუქრება, იტყობინება საქართველოს თავდაცვის უწყება.

სექსუალური უმცირესობებს ისეთივე უფლებები აქვს როგორიც სხვა მოქალაქეებს და საზოგადოება „ნელ-ნელა ამას შეეჩვევა“, განაცხადა პრემიერ-მინისტრმა ბიძინა ივანიშვილმა სამშაბათს, როცა მას ჰომოფობის წინააღმდეგ ბრძოლის საერთაშორისო დღის აღსანიშნავად 17 მაისს თბილისის ცენტრში დაგეგმილ აქციაზე კითხეს.

დეფაქტო აფხაზეთის ხელისუფლებამ რეგიონის ეთნიკური ქართველი მაცხოვრებისთვის აფხაზური პასპორტების გაცემა შეწყვიტა იმის შიშით, რომ ამ პროცესს, როგორც აფხაზეთის ზოგიერთი ოფიციალური პირი აცხადებს, შესაძლოა „აფხაზეთის ქართველიზაცია“ მოყვეს.

გაზეთი „რეზონანსი“ 13 მაისის ნომერში გაზეთის ჟურნალისტებსა და ცენტრალურ საარჩევნო კომისიას (ცესკო) შორის მიმდინარე დავაზე წერს. სტატიაში აღნიშნულია, რომ ნაძალადევის საოლქო საარჩევნო კომისიამ და ცესკომ „რეზონანსის“ ჟურნალისტების განცხადება არ დააკმაყოფილა. ჟურნალისტები ოქმის შედგენას ითხოვდნენ იმ პირების მიმართ, რომლებმაც კორესპონდენტებს 27 აპრილს შუალედურ არჩევნებზე პროფესიულ საქმიანობაში ხელი შეუშალეს და შეურაცხყოფა მიაყენეს.

 2012 წლის აგვისტოს ბოლოს ჩატარებული ე.წ. ლაფანყურის სპეცოპერაციის შესწავლის მიზნით, სახალხო დამცველი შეხვდა ევროპის სხვადასხვა ქვეყნებში მცხოვრებ ჩეჩნეთიდან ლტოლვილებსა და ჩეჩენთა დიასპორის წარმომადგენლებს, რომლებმაც დაადასტურეს სახალხო დამცველის 2012 წლის საპარლამენტო მოხსენებაში ლაფანყურის სპეცოპერაციის თაობაზე გადმოცემული ინფორმაციის სიზუსტე.

შინაგან საქმეთა მინისტრის მოადგილე გელა ხვედელიძე ინტერნეტში პირადი ცხოვრების ამსახველი ვიდეომასალის "შურისძიების" მოტივით გავრცელების გამო დააპატიმრეს. ვიდეოზე, სავარაუდოდ, ის პირია ასახული, რომელიც ბოლო დროს მწვავედ აკრიტიკებდა რამდენიმე მაღალჩინოსანს, მათ შორის ხვედელიძეს. 

პოლიცია იცავდა დღესб 10 მაისს, სასტუმრო „რადისონ ბლუ ივერიაში“ ორგანიზაცია „იდენტობის“ მიერ  გამართული პრესკონფერენციის და ტრენინგის უსაფრთხოებას.

საქართველოს კათალიკოს-პატრიარქმა ილია მეორემ თავის სააღდგომო ეპისტოლეში საქართველოს ხელისუფლებას აბორტის აკრძალვის შესახებ კანონის მიღებისკენ მოუწოდა, რადგანაც ეს, მისი თქმით, ქვეყანაში არსებულ „მძიმე დემოგრაფიულ მდგომარეობას“ გააუმჯობესებს.

სოციალურ ქსელ Facebook-ის მომხმარებლებმა 4 მაისს რუსთაველის გამზირზე პარლამენტის ყოფილი შენობის წინ პირადი ცხოვრების უფლებების დარღვევა გააპროტესტეს. საპროტესტო აქციის შესახებ Facebook-ში შეიქმნა ჯგუფი სახელწოდებით „აღარ გვინდა კადრები!“

სისხლის სამართლის საპროცესო კოდექსში ნაფიც მსაჯულებთან დაკავშირებულ კანონპროექტზე არც პრეზიდენტის ვეტო იქნა დაძლეული და არც ის ვარიანტი იქნა ხელახლა მხარდაჭერილი, რომელიც პარლამენტმა 5 აპრილს მიიღო და რომელიც ბრალდებულს ართმევდა არჩევანის თავისუფლებას.

თელავის რაიონულ სასამართლოში გრძელდება საქართველოს იუსტიციის ყოფილი მინისტრის ზურაბ ადეიშვილის ძმის,  დავით ადეიშვილის  საქმის არსებითი განხილვა. 30 აპრილს გამართულ სხომაზე ბრალდების მხარემ მოწმის სახით  დაზარალებლი იოსებ გოცირიძე წარმოადგინა.  მისი თქმით, მასზე  და მის თანამშრომლებზე დავით ადეიშვილის მხრიდან ზეწოლა ხორციელდებოდა და  აიძულებდა მათ, რომ უარი ეთქვათ თელავის აგრარული ბაზრის შესყიდვაზე.

პარლამენტმა საერთო სასამართლოების შესახებ კანონპროექტზე, რომელიც იუსტიციის უმაღლესი საბჭოს რეფორმას განსაზღვრავს, პრეზიდენტის ვეტო  91 ხმით 26-ის წინააღმდეგ დაძლია.

„ლატარიების, აზარტული და მომგებიანი თამაშობების მოწყობის შესახებ“ საქართველოს კანონში შესატანი ცვლილების კანონპროექტმა კვორუმისთვის საჭირო 59 ხმა ვერ მოაგროვა. 46 მომხრე და 44 წინააღმდეგი - ასეთი  შედეგით დასრულდა  კენჭისყრა 1 მაისის საპარლამენტო სესიაზე. საკანონმდებლო ცვლილებების განსახილველად დებატები  ერთ საათზე მეტ ხანს გაგრძელდა და მას მხარი საპარლამენტო უმცირესობასთან ერთად, უმრავლესობის ნაწილმაც არ დაუჭირა.

ლევან სამხარაულის სახელობის სასამართლო სამედიცინო  ექსპერტიზის ექსპერტი პაატა ჯიბლაძე,  იმ ეპიზოდთან დაკავშირებით დაიკითხა, რომლშიც შსს-ს გენერალური ინსპექციის ყოფილ უფროსს, თენგიზ გუნავას თავისი მძღოლის, კახაბერ იზორიას დაჭრა ედება ბრალად.

30 აპრილს სახალხო დამცველმა უჩა ნანუაშვილმა პარლამენტის ადამიანის უფლებათა დაცვის კომიტეტის სხდომაზე დეპუტატთა კითხვებს უპასუხა.

ოფიცერ სერგო თეთრაძის გვამის გაკვეთის შედეგად მიღებული სამედიცინო დასკვნა, 19 აპრილს სასამართლომ მტკიცებულებად სცნო.  თეთრაძის გარდაცვალების საქმეში, სასჯელაღსრულების დეპარტამენტის რამდენიმე ყოფილ მაღალჩინოსანთან ერთად, სამხედრო პოლიციის ყოფილი უფროსი მეგის ქარდავაცაა ბრალდებული.

საქართველოს ცენტრალური საარჩევნო კომისიის მიერ ადამიანის უფლებათა ცენტრისთვის მოწერილი წერილის თანახმად, 27 აპრილის შუალედურ არჩევნებში დამარცხებულ  მაჟორიტარობის კანდიდატებს, რომლებიც საინიციატივო ჯგუფის მიერ იყვნენ წარდგენული, 5000-ლარიანი დეპოზიტი უკან დაუბრუნდება. აღნიშნული თანხა, დეპუტატობის კანდიდატებმა, კანონის მოთხოვნით, ცესკოს მიერ მითითებულ ანგარიშზე არჩევნებში დარეგისტრირებისას შეიტანეს.

ოსურმა მხარემ ტირიფონის არხის აღდგენის საკითხი ერგნეთში 2013 წლის 16 აპრილს ინციდენტების პრევენციისა და მათზე რეაგირების მექანიზმის ფარგლებში რიგით ოცდამეცამეტე შეხვედრაზე დააყენა.  ამის შესახებ მათმა წარმომადგენელმა ხოხ გაგლოითმა ვრცლად ისაუბრა.

2013 წლის 18 თებერვალს, შუადღით, კასპის პოლიციის შენობასთან აფეთქება მოხდა. პოლიციამ დაახლოებით საღამოს 18:00 საათზე ქალაქის ერთ-ერთ ქუჩაზე მიმავალი 29 წლის დავით გაბოძე დააკავა. ხელბორკილებდადებულმა ეჭვმიტანილმა პოლიციის შენობასთან შეკრებილ ჟურნალისტებს გვითხრა, რომ წარმოდგენა არა აქვს რაზე დააკავეს. რამდენიმე საათში, მას ბრალი სწორედ იმ დღეს მომხდარ აფეთქებაში დასდეს.