პორტალი ადამიანის უფლებების შესახებ

2013 წლის 17 აპრილს სახალხო დამცველის სპეციალურმა პრევენციულმა ჯგუფმა, პრევენციის ეროვნული მექანიზმის ფარგლებში, არაგეგმური მონიტორინგი განახორციელა სასჯელაღსრულების დეპარტამენტის N8 დაწესებულებაში.

პატიმართა წამება და ცუდი მოპყრობა საქართველოში მთავრობის შეცვლამდე, ხარვეზები კანონის უზენაესობაში და სასამართლო დამოუკიდებლობის ნაკლებობა, ასევე შეკრებისა და გაერთიანების თავისუფლების უფლების შელახვა, კერძოდ, ოპოზიციისთვის, აშშ–ის სახელმწიფო დეპარტამენტის მიერ 19 აპრილს გამოქვეყნებულ ადამიანის უფლებათა შესახებ ყოველწლიურ ანგარიშში იმ ყველაზე მნიშვნელოვან პრობლემებად არის დასახელებული, რასაც 2012 წელს ჰქონდა ადგილი.

2013 წლის 18 მარტს, საქართველოს სახალხო დამცველის რწმუნებულებმა გლდანის #8 სასჯელაღსრულების დაწესებულებაში მოინახულეს ბრალდებულები ვიქტორ ყაჭეიშვილი, ოლეგ ფაცაცია, ლევან ფურცხვანიძე, გურამ ცომაია, გაგა მკურნალიძე, დავით ხუჭუა და ბაჩანა ახალაია. აღსანიშნავია, რომ ბრალდებულმა ბაჩანა ახალაიამ წერილობით რაიმე სახის ინფრომაციის მიწოდებაზე უარი განაცხადა.

ყოფილმა თავდაცვის და შინაგან საქმეთა მინისტრმა ბაჩო ახალაიმ, მისი საქმის ნაფიცი მსაჯულების მიერ განხილვაზე უარი განაცხადა.  ახალაიას წამების ორგანიზებაში, თანამდებობრივი უფლებამოსილების გადამეტებასა და თავისუფლების უკანონო აღკვეთაში ედება ბრალი.იმავე საქმეში ბრალდებულმა დანარჩენმა პირებმაც, მათ შორის პრობაციის სამინისტროს ყოფილმა მაღალჩინოსანმა გაგა მკურნალიძემ და გაერთიანებული შტაბის ყოფილმა უფროსმა გიორგი კალანდაძემ იგივე გადაწყვეტილება მიიღეს და ნაფიც მსაჯულთა სასამართლოზე უარი განაცხადეს. ამის შესახებ მათ 5 აპრილს გამართულ სასამართლო პროცესზე განაცხადეს.