პორტალი ადამიანის უფლებების შესახებ

რუსულმა მედიამ აიტაცა საქართველოს ეკონომიკის მინისტრის უხერხული ფოტო, სადაც ის ღამის კლუბში პოზირებს. ეს კრიტიკის ახალი ტალღაა პრეზიდენტ მიხეილ სააკაშვილის წინააღმდეგ, რომელიც მთავრობაში „სტრიპტიზის მოცეკვავეებს“ მაღალ თანამდებობებზე ნიშნავს.

საქართველოს „ტოტალური თავდაცვა“ სჭირდება, რომლის დროსაც „ყველა სოფელს უნდა შეეძლოს თავისი დაცვა“, რადგანაც, რუსეთს არ აუღია ხელი თავის ამოცანაზე მთელი ქვეყნის ოკუპაცია მოახდინოს, განაცხადა სააკაშვილმა 28 ივლისს.
 

„ეს სტატია მოხსენით... ნუ მეხებით საერთოდ, თორე მერე ნახეთ ჩემი შეხება თქვენს მიმართ...“, - ამ შინაარსის წერილი, ოთარ კოვზირიძისგან, ელექტრონული ფოსტით ჟურნალისტმა ილია მარტყოფლიშვილმა მიიღო. ოთარ კოვზირიძე „ნაციონალური მოძრაობის“ აქტივისტი და დედოფლისწყაროს მუნიციპალიტეტის გამგეობის თანამშრომელია. კოვზირიძე ირწმუნება, რომ მისი სიტყვები მუქარას არ შეიცავს, თუმცა, ვერ განმარტავს, რა უფლებით მოსთხოვა საჯარო მოსამსახურემ ჟურნალისტს ბლოგზე განთავსებული მასალის წაშლა. 
 

29 ივლისს „ადამიანის უფლებათა ცენტრში“ „თანასწორობის ინსტიტუტის“ წარმომადგენელმა, ირაკლი კაკაბაძემ და „ადამიანის უფლებათა ცენტრის“ აღმასრულებელმა დირექტორმა, უჩა ნანუაშვილმა პრესკონფერენცია გამართეს. პრესკონფერენცია მიეძღვნა რასიზმის, ქსენოფობიისა და მილიტარიზმის აქტიურ გამოვლინებებს პრეზიდენტ მიხეილ სააკაშვილის გამონათქვამებსა და ხელისუფლების პოლიტიკაში.
 

„არ შეიძლება ადამიანი და, მით უფრო - მასწავლებელი, მუდმივად შიშის ქვეშ ცხოვრობდეს. აი, ესაა ერთადერთი მიზეზი, რის გამოც ამ სასერთიფიკაციო გამოცდაზე მოვედი. სამარცხვინო ფაქტია, რომ პედაგოგს (თანაც ასეთი დაძაბული სასწავლო წლის შემდეგ) იმის მაგივრად, უკეთეს სამუშაო პირობებს სთავაზობდნენ, გამოცდებზე დაარბენინებენ და ნორმალურად იმასაც კი ვერ უხსნიან, რა საჭიროა ეს ყველაფერი, თუ მას სკოლიდან ისედაც უშვებენ“, - ასეთი განწყობით დატოვა 22 ივლისს ერთ-ერთმა პედაგოგმა ქუთაისის საგამოცდო ცენტრი. მასწავლებელთა სასერთიფიკაციო გამოცდებზე პედაგოგთა უმრავლესობა საერთოდ არ გამოცხადდა.

დედოფლისწყაროს რაიონში მდებარე ბუნების ძეგლი კაკლისყურე  კატასტროფის პირასაა. მდინარემ შესაძლოა კალაპოტი შეიცვალოს, რის შედეგადაც 180 ჰა მიწის ფართობი აზერბაიჯაანს დარჩება.

საფრანგეთის საგარეო საქმეთა მინისტრი ბერნარდ კუშნერი 14 ივლისს საქართველოში მარტივი გზავნილით ჩამოვიდა: აქცენტი გააკეთეთ სამოქალაქო საზოგადოებაზე, რათა ბოლო მოუღოთ კონფლიქტებს აჯანყებულ რეგიონებთან აფხაზეთთან და სამხრეთ ოსეთთან.

 2010 წელს კანადელმა ინვესტორმა უილიამ ჯეიმს სიმპსონმა დაბა მესტიაში გიორგი სვანიძისაგან შეიძინა მიწის ნაკვეთი და მასზე განთავსებული ყოფილი ტურისტული ბაზა "უშბა"-ს ამორტიზირებული შენობა, სადაც გეგმავდა სასტუმრო კომპლექსის აშენებას. მიწის ყიდვის ხელშეკრულება კანონიერი იყო და გატარებულ იქნა საჯარო რეესტრში (სვანიძეს აღნიშნული მიწის ნაკვეთი პრივატიზებული ჰქონდა რამდენიმე წლით ადრე). საქართველოში აღნიშნულ ბიზნესში უილიამ სიმპსონის ოფიციალური, ნოტარიულად დამოწმებული წარმომადგენელი იყო დაბა ჯვარში მცხოვრები დავით ქუხილავა.

15 ოჯახი, რომელიც საპატრიარქოს კუვნილ შენობაშია შესახლებული, შესაძლოა გარეთ დარჩეს. ოჯახები მძიმე სოციალურ პირობებში იმყოფებიან.  მათ შორის 30 ბავშვია, მათგან რამდენიმე – ახალშობილია. საპატრიარქო შენობაში ანდრია პირველწოდებულის სახელობის ქართული ინსტიტუტის ფილიალის გახსნას გეგმავს. როგორც იქ მცხოვრებლები ამბობენ, მათ წასასვლელი არსად აქვთ. შესახლებულებმა 12 ივლისს შენობის დატოვებაზე  გაფრთხილება მიიღეს, წინააღმდეგ შემთხვევაში, 17 ივლისს მათ უკვე ძალით გაიყვანენ. არც ერთი მცხოვრები შენობის დატოვების ოქმს ხელს არ აწერს.

რუსთავის საკრებულოს წევრები ხმას საკრებულოს დებულებას, კომისიების შექმნას და საბიუჯეტო ცვლილებებს ისე აძლევენ, რომ ეს დოკუმენტები წაკითხულიც არ აქვთ. ამის შესახებ, 2 ივლისის სხდომაზე, საკრებულოს ოპოზიციონერმა წევრებმა განაცხადეს.