04:42, Thursday, 17.04.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სახალხო დამცველის მოთხოვნით გამომძიებელი დასაჯეს

19.12.2007
სახალხო დამცველის წერილის საფუძველზე შსს გენერალურ ინსპექციაში გამომძიებელ ნიკოლოზ ხუციშვილის მიმართ დისციპლინური წარმოება დაიწყო და შენიშვნა გამოეცხადა.

სახალხო დამცველმა მოქალაქის მიმართვის საფუძველზე შეისწავლა მცხეთის შს სამმართველოს კრიმინალური პოლიციის განყოფილების უფროსი გამომძიებლის ნიკოლოზ ხუციშვილის მიერ სისხლის სამართლის საქმეზე ჩატარებული მოკვლევის მასალები. გამოიკვეთა, რომ ნიკოლოზ ხუციშვილმა ეჭვმიტანილის ჩხრეკისას ამოღებული ნივთები დადგენილებით ცნო ნივთიერ მტკიცებულებად და საქმეზე დაურთო. თუმცა, შემდეგ ხელწერილის საფუძველზე ეჭვმიტანილის დედას ჩააბარა.

აღსანიშნავია, რომ სისხლის სამართლის საპროცესო კოდექსის თანახმად, ნივთიერი მტკიცებულების გაცემა დაუშვებელია და ის გამოძიების დასრულებამდე პოლიციაში უნდა დარჩენილიყო.
 
• 121-ე მუხლის მე-4 პუნქტით საგანი ნივთიერ მტკიცებულებად ცნობილი უნდა იქნეს პროცესის მწარმოებელი ორგანოს განჩინებით (დადგენილებით). ნივთიერი მტკიცებულება საქმეზე დართვამდე უნდა შემოწმდეს და დაილუქოს.

• 122-ე მუხლის I პუნქტის თანახმად, ნივთიერ მტკიცებულებას ინახავს პროცესის მწარმოებელი ორგანო ისეთ პირობებში, რომლებიც გამორიცხავს მის დაკარგვასა და მისი თვისებების შეცვლას.

სახალხო დამცველმა მცხეთის რაიონულ პროკურატურას წერილობით მოსთხოვა ახსნა-განმარტება, თუ რის საფუძველზე მოხდა ნივთმტკიცებად ცნობილი საგნების ბრალდებულის დედისთვის გადაცემა.

14 აგვისტოს მცხეთის რაიონული პროკურატურიდან სახალხო დამცველს შეატყობინეს, რომ სისხლის სამართლის საპროცესო კოდექსის ნორმების დარღვევის ფაქტთან დაკავშირებით მცხეთის რაიონული პროკურატურის მიერ მცხეთა-მთიანეთის შს სამმართველოში გაკეთდა წარდგინება გამომძიებელ ნიკოლოზ ხუციშვილზე. თუმცა, 25 ივლისის ბრძანებით ხუციშვილი შსს თბილისის მთავარი სამმართველოს ისანი-სამგორის სამმართველოს კრიმინალური პოლიციის განყოფილების უფროს გამომძიებლად დაინიშნა, რაც დაწინაურებას ნიშნავს. ამდენად, როგორც ჩანს, აღნიშნული წარდგინება არ განხილულა.

სახალხო დამცველმა შსს გენერალურ ინსპექციისგან გამომძიებელ ხუციშვილის მიმართ დისციპლინური საქმისწარმოების მსვლელობისა და დისციპლინური პასუხისმგებლობის საკითხის შესახებ ინფორმაცია გამოითხოვა.

11 დეკემბერს სახალხო დამცველს შეატყობინეს, რომ გენერალურ ინსპექციაში დაიწყო დისციპლინური წარმოება გამომძიებელ ნიკოლოზ ხუციშვილის მიმართ და 20 ნოემბრის ბრძანებით გამოეცხადა შენიშვნა.

წყარო: სახალხო დამცველის აპარატი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
თქვენი აზრით, ირღვევა თუ არა წინა ხელისუფლების ყოფილი მაღალჩინოსნების უფლებები?
ირღვევა არ ირღვევა არა ვარ ინფორმირებული მიჭირს პასუხის გაცემა

ბლოგი

მშიერი კომისიის წევრები და გაბრაზებული თავმჯდომარეები ბათუმში
არჩვენებს 2003 წლიდან ვაკვირდები. არც ერთი არჩევნები არ გამომიტოვებია, რასაც ვერ ვიტყოდი ჩემი საარჩევნო ხმის უფლების გამოყენებაზე - ყველა არჩევნებზე, იმის გამო რომ
ვრცლად...
ბეჭედი ნაკვეთურის გარეშე და ორსახელიანი ამომრჩეველი გურიაში
პირველად დამკვირვებლის სტატუსით
არქივი
    

რედაქტორის აზრი

პატიმართა მასობრივი პროტესტის მიზეზები
ბოლო ხანს მედიაში ერთ-ერთი აქტუალური თემაა პატიმართა პროტესტი გეგუთის კოლონიაში. ასობით პატიმარი პროტესტის სხვადასხვა ზომებს მიმართავს და კოლონიის დირექტორის გადაყენებას მოითხოვს. ისინი საპატიმროს
ვრცლად...
შემოდგომის ბუზი
ადამიანის უფლებათა ცენტრი მაღალჩინოსნების სასამართლო პროცესებს დააკვირდება
არქივი
თემები
კატეგორიები

Copyright © 2004 - 2014 HRIDC