კატეგორიები
ჟურნალისტური მოკვლევა
სტატია
რეპორტაჟი
ანალიზი
ფოტო რეპორტაჟი
ექსკლუზივი
ინტერვიუ
უცხოური მედია საქართველოს შესახებ
რედაქტორის აზრი
პოზიცია
მკითხველის აზრი
ბლოგი
თემები
ბავშვები
ქალები
მართლმსაჯულება
ლტოლვილები / დევნილები
უმცირესობები
მედია
ჯარი
ჯანდაცვა
კორუფცია
არჩევნები
განათლება
პატიმრები
რელიგია
სხვა

სახალხო დამცველი პროკურატურას პოლიციელების მიერ ექიმის წამების ფაქტის შესწავლას სთხოვს

13 თებერვალი, 2008
საქართველოს სახალხო დამცველი სოზარ სუბარი სამეგრელოს სამხარეო სამმართველოს პოლიციის თანამშრომელთა მიერ მოქალაქის წამების ფაქტის შესწავლას ითხოვს.

ლაპარაკია გალის რაიონის სოფელ ნაბაკევის სასწრაფო დახმარების ექიმის, ზუგდიდში მცხოვრები გოჩა ეხვაიას წამებაზე.

როგორც დღეს გამართულ პრესკონფრენციაზე სოზარ სუბარმა განაცხადა, 30 იანვარს ეხვაიას საცხოვრებელ ბინაში ზუგდიდის რაიონული სამმართველოს საუბნო ქვეგანყოფილების თანამშრომლები შეიჭრნენ და მისგან ძებნილის, ვინმე ბადრის ნახვა მოითხოვეს. იმის გამო, რომ მის ბინაში ვერავინ იპოვეს, ეხვაია პოლიციაში დასაკითხად წაიყვანეს. ეხვაიას ჩვენებით, ის თავდაპირველად, ზუგდიდის სამხარეო სამმართველოს პოლიციაში მიიყვანეს და დაჟინებით მოითხოვდნენ მისგან პასუხს, იყო თუ არა 29 იანვარს მასთან გამოძახება და ხომ არ წაუყვანიათ ვინმესთან სამკურნალოდ. ეხვაიას მტკიცების მიუხედავად, რომ ის სახლში არავის  მალავდა, პოლიციელები მას სასტიკად უსწორდებოდნენ, რის გამოც მან  რამდენჯერმე გონებაც დაკარგა. ღამის 3 საათისათვის კი, იგი ზუგდიდის რაიონულ სამმართველოში გადაიყვანეს, სადაც მისი წამება გაგრძელდა.

სოზარ სუბარის განცხადებით, პოლიციელებმა ეხვაიას ხულიგნობისა და პოლიციელებისადმი დაუმორჩილებლობის მუხლით შვიდდღიანი ადმინისტრაციული პატიმრობა შეუფარდეს. მიყენებული მძიმე ტრავმების გამო ეხვაიამ დროებითი მოთავსების იზოლატორში გონება დაკარგა, რის გამოც ის ზუგდიდის რესპუბლიკურ საავადმყოფოში გადაიყვანეს.

სოზარ სუბარის ინფორმაციით, გოჩა ეხვაია მზად არის იმ შვიდი პოლიციელების ვინაობა დაასახელოს, რომლებიც მას სასტიკად გაუსწორდნენ. მისივე თქმით, განსაკუთრებული სისასტიკით გამოირჩეოდა ზუგდიდის სამხარეო სამმართველოს უფროსის მოადგილე მეგის ქარდავა.

ომბუდსმენის თქმით, პოლიციის თანამშრომლებმა სისხლის სამართლის კოდექსის რამდენიმე მუხლი დაარღვიეს, მათ შორისაა წამება, სიცოცხლის მოსპობის, ჯანმრთელობის დაზიანების ან ქონების განადგურების მუქარა, ბინაში მფლობელის ნების საწინააღმდეგოდ უკანონოდ შესვლა, უკანონო ჩხრეკა, ან სხვა ქმედება, რომელიც არღვევს ბინის ან სხვა მფლობელობის შეუხებლობას. წამების ფაქტის შესასწავლად სოზარ სუბარმა გენერალურ პროკურორს ეკა ტყეშელაშვილს მიმართა.

წყარო: მედიანიუსი.

ახალი ამბები