18:00, Wednesday, 08.04.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

Freedom House: საქართველო არჩევითი დემოკრატიების რიგებს ტოვებს

14.01.2009
საქართველო რჩება ”ნაწილობრივ თავისუფალ” ქვეყნად, მაგრამ ის აღარ არის იმ ქვეყნებს შორის, რომლებიც არჩევით დემოკრატიებად ითვლებიან, ნათქვამია Freedom House-ის ყოველწლიურ მოხსენებაში.

”საქართველო ჩამოქვეითდა, ნაწილობრივ, პრეზიდენტ მიხეილ სააკაშვილის მმართველობის სტილში ავტორიტარული ტენდენციების გამო,” - ნათქვამია მოხსენებაში, რომელიც 12 იანვარს გამოქვეყნდა.

”საქართველოს დაღმავალი ტენდენცია განპირობებულია [2008 წლის] საპრეზიდენტო და საპარლამენტო არჩევნების დროს გამოვლენილი ხარვეზებით, მათ შორის არის უამრავი ცნობა დაშინების ფაქტების შესახებ და სახელმწიფო ადმინისტრაციული რესურსების გამოყენება, რამაც საგრძნობლად არათანაბარი პირობები შექმნა, რითაც მმართველმა პარტიამ ისარგებლა”.

არჩევითი დემოკრატიების რიგები საქართველოსთან ერთად ასევე დატოვეს ცენტრალური აფრიკის რესპუბლიკამ, მავრიტანიამ და ვენესუელამ.

”ამ ქვეყნების დაქვეითება აღსანიშნავია იქიდან გამომდინარე, რომ ეს ქვეყნები თავიანთ რეგიონებში მნიშვნელოვან როლს თამაშობენ და ასევე იმ ფაქტის გათვალისწინებით, რომ მათგან ორი ქვეყანა, მავრიტანია და საქართველო, ადრე მიჩნეული იყვნენ დემოკრატიული მსოფლიოს ახალ წევრებად,” - ნათქვამია მოხსენებაში, ”საქართველოში მოეწყო ერთ-ერთი პირველი ფერადი რევოლუცია და წარმოადგენდა ერთ-ერთ ნათელ წერტილს ყოფილ საბჭოთა კავშირში; მისი არაპროგნოზირებადი კურსი, მათ შორის 2007 წელს საგანგებო მდგომარეობის გამოცხადება და აგვისტოში რუსეთთან ომი, ბოლო ორი წლის ყველაზე შემაშფოთებელი მოვლენების რიცხვს განეკუთვნება”.

Freedom House-მა თავის ყოველწლიურ მოხსენებებში წელს პირველად შეიყვანა სეპარატისტული სამხრეთ ოსეთი, რომელიც მოექცა კატეგორიაში ”სადავო ტერიტორიები” - სუვერენული სახელმწიფოების გარდა, ორგანიზაცია მოხსენებაში ასევე მიმოიხილავს ამ ტიპის ტერიტორიებზე არსებულ ვითარებასაც.

მოხსენებაში ნათქვამია, რომ სამხრეთ ოსეთი ”არათავისუფალ” და ”მსოფლიოს ერთ-ერთ ყველაზე რეპრესიულ რეჟიმებს” განეკუთვნება.

სამხრეთ ოსეთისგან განსხვავებით, მოხსენება აფხაზეთს აღწერს, როგორც ”ნაწილობრივ თავისუფალს”.

წყარო: ‘სივილ ჯორჯია’

სრული ანგარიში (ინგლისურ ენაზე)


Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

უჩინარი მტერი
2020 წელი სულ ახლახან დაიწყო და მალევე მსოფლიოს დაუჯერებელი ინფორმაცია ეცნო - ინფორმაცია მკვლელი ვირუსის შესახებ, რომელიც ჩინეთში, უჰანის პროვინციაში გაჩნდა, შემდეგ კი
ვრცლად...
აპოკალიფსი არ იქნება
საგანგებო მდგომარეობის გავლენა საპარლამენტო არჩევნებზე
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC