08:36, Monday, 09.12.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სასამართლომ სამხედრო მოსამსახურის წინააღმდეგ თავდაცვის სამინისტროს საჩივარი არ დააკმაყოფილა

06.10.2009
ქუთაისის სააპელაციო სასამართლომ თავდაცვის სამინისტროს მორიგი საჩივარი, რომლითაც ყოფილი სამხედრო მოსამსახურის მიმართ ჯარიმის დაკისრებას და ზიანის ანაზღაურებას ითხოვდა არ დააკმაყოფილა.

უზენაესი სასამართლოს ინფორმაციით, ყოფილ სამხედრო მოსამსახურე კახაბერ ნიქაბაძესთან სასამართლო დავა თავდაცვის სამინისტრომ 2008 წლის 22 სექტემბერს, სამტრედიის რაიონულ სასამართლოში დაიწყო. მხარეებს შორის გაფორმებული ხელშეკრულების მიხედვით, კახა ნიქაბაძეს შეიარაღებულ ძალებში 4 წელი უნდა ემსახურა. პირობის შეუსრულებლობის შემთხვევაში კი კისრულობდა ვალდებულებას, სამინისტროსთვის აენაზღაურებინა კონტრაქტით დარჩენილ ვადაში მასზე გათვალისწინებული თანხა. სამსახურის დაწყებიდან ერთი წლის შემდეგ კონტრაქტის დარღვევის შემთხვევაში ეს თანხა 14 000 ლარს შეადგენდა, ორი წლის შემდეგ – 10 000-სა და სამი წლის შემდეგ – დარჩენილი ერთი წლის სახელფასო თანხას - 5 000 ლარს.

პირველი ინსტანციის სასამართლოში დავის დროს თავდაცვის სამინისტრომ მოპასუხისათვის ჯარიმის - 14 000 ლარის, ზიანის სახით 2 618 ლარისა და პირგასამტეხლოს - 2005 წლის 2 დეკემბრიდან ჯარიმის  დაკისრება  მოითხოვა. სამტრედიის რაიონული სასამართლოს გადაწყვეტილებით, თავდაცვის სამინისტროს საჩივარი ნაწილობრივ დაკმაყოფილდა მხოლოდ ზიანის ანაზღაურების ნაწილში. ყოფილ სამხედრო მოსამსახურეს მასზე დახარჯული კვების თანხის – 612 ლარის გადახდა დაეკისრა.

სააპელაციო სასამართლოს ადმინისტრაციულ საქმეთა კოლეგიამ კი მიიჩნია, რომ თავდაცვის სამინისტროს სააპელაციო საჩივარი ზიანის ანაზღაურების ნაწილში უსაფუძვლოა და არ უნდა დაკმაყოფილდეს. მანვე აპელანტის მოთხოვნით შეწყვიტა საქმის წარმოება თავდაცვის სამინისტროს სარჩელზე ჯარიმის თანხისა და პირგასამტეხლოს ანაზღაურების ნაწილში. ადმინისტრაციულ საქმეთა კოლეგიის გადაწყვეტილებაში აღნიშნულია, რომ მოდავე მხარეებს შორის გაფორმებული კონტრაქტი არ განსაზღვრავს რაიმე სახის პასუხისმგებლობას სამხედრო მოსამსახურის მხრიდან 1 წლის გასვლამდე კონტრაქტის შეწყვეტის პირობებში. ნიქაბაძე კი სამხედრო სამსახურში სულ 8 თვე იმყოფებოდა, რის შემდეგაც მინისტრის ბრძანებით გათავისუფლდა კონტრაქტის პირობების დარღვევის გამო. შესაბამისად, სასამართლომ მიიჩნია, რომ თავდაცვის სამინისტროს სააპელაციო საჩივრის დაკმაყოფილების სამართლებრივი საფუძველი არ არსებობს. 

ქუთაისის სააპელაციო სასამართლომ ათეულობით საჩივარი განიხილა, რომლითაც თავდაცვის სამინისტრო ყოფილი სამხედრო მოსამსახურეებისათვის ჯარიმისა და ზიანის ანაზღაურების დაკისრებას ითხოვდა.

წყარო: „ინტერპრესნიუსი“

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC