20:27, Monday, 21.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ევროსასამართლოში გირგვლიანის საქმეზე ერთ-ერთ მოსამართლედ ნონა წოწორია დაინიშნა

12.01.2010
სანდრო გირგვლიანის ოჯახის ადვოკატი შალვა შავგულიძე ამ საქმესთან დაკავშირებით ევროსასამართლოში ერთ-ერთ მოსამართლედ საქართველოს გენერალური პროკურორის ყოფილი მოადგილის ნონა წოწორიას დანიშნვაში განსაკუთრებულს ვერაფერს ხედავს.

„ასეთ საქმეებს ევროპულ სასამართლოში რამდენიმე მოსამართლისგან შემდგარი ჯგუფი იხილავს. წოწორია ამ ჯგუფის ერთ-ერთი წევრია. ევროსასამართლოში იმ მოსამართლის დანიშნვა, რომელიც კონკრეტულ ქვეყანაში საქმეს აწარმოებდა, ჩვეულებრივი პრაქტიკაა და აქ საგანგაშო არაფერია“, - განუცხადა „პირველს“ შავგულიძემ.

ადამიანის უფლებათა ევროპულ სასამართლოში სანდრო გირგვლიანის საქმის განხილვა 2 თებერვალს ზეპირი მოსმენით გაიმართება. გირგვლიანი 2005 წლის 27 იანვარს ოქროყანის ტყეში აწამეს, რის შედეგადაც იგი გარდაიცვალა. დანაშაულში ეჭვმიტანილის სტატუსით კონსტიტუციური უსაფრთხოების დეპარტამენტის 4 თანამშრომელი დააკავეს, რომელთაც 7-8 წლიანი პატიმრობა მიუსაჯეს. მოგვიანებით მათ პრეზიდენტის შეწყალების შედეგად ჯერ სასჯელი გაუნახევრდათ, ხოლო შემდეგ ვადაზე ადრე გათავისუფლდნენ.  სანდრო გირგვლიანის ახლობლები მკვლელობის დამკვეთებად შსს-ს მაღალჩინოსნებს ვასილ სანოძეს, დათა ახალაიას, ვასილ მელნიკოვს, გურამ დონაძეს და შს მინისტრის ვანო მერაბიშვილის მეუღლეს თაკო სალაყაიას ასახელებენ.

ნონა წოწორია ამ საქმის საქართველოში სასამართლო განხილვისას გენერალური პროკურორის მოადგილე იყო. ამასთან დაკავშირებით ქართულ პრესაში გამოითქვა მოსაზრებები, რომ საქართველოს მთავრობა „საქმის შეკერვას“ ევროსასამართლოშიც ცდილობს. ცნობისთვის, საქმეში „ირინა ენუქიძე და გურამ გირგვლიანი საქართველოს წინააღმდეგ“ საქართველოს სახელმწიფოს ბრალი ევროკონვენციის ოთხი მუხლით აქვს წაყენებული. ბრალეულობის დამტკიცების შემთხვევაში, ბრალდების მხარეს ადგილობრივ სამართალწარმოებაში საქმის ხელახალი გამოძიების დაწყების შესაძლებლობა ექნება.

საინფორმაციო სააგენტო „პირველი“
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC