08:52, Sunday, 12.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

იანუკოვიჩი ზეიმობს, ტიმოშენკო ამომრჩევლებს ხმების დაცვისკენ მოუწოდებს

08.02.2010
„რეგიონების პარტიის“ ლიდერი ვიქტორ იანუკოვიჩი უკრაინის საპრეზიდენტო არჩევნების მეორე ტურში გამარჯვებას უკვე ზეიმობს. „ჩვენ გრძელი გზა გავიარეთ გამარჯვებამდე. მე მთელი უკრაინა შემოვიარე და ვნახე ხალხის თვალები, რომლებსაც აღარ სურთ ასე ცხოვრება. ისინი ცვლილებებს ითხოვენ. პირველი ნაბიჯები უკვე გადაიდგა“, - აღნიშნა იანუკოვიჩმა.

მისივე თქმით, ყველაფერს გააკეთებს, რათა უკრაინა ეკონომიკურად განვითარდეს.
„აუცილებელია ხალხის პირობების გაუმჯობესება. ჩვენ არ უნდა ვეძებოთ მტრები ჩვენს ქვეყანაში და პოლიტიკაში. ერთად უნდა ვებრძოლოთ ისეთ მტერს, როგორიც არის სიღარიბე, უპასუხისმგებლობა და კორუფცია“, - განაცხადა იანუკოვიჩმა ეგზიტპოლების პირველი შედეგების გამოცხადების შემდეგ.

უკრაინის პრემიერ-მინისტრი იულია ტიმოშენკო ამომრჩევლებს საკუთარი ხმების დაცვისკენ მოუწოდებს. ამის შესახებ ტიმოშენკომ ეგზიტპოლების შედეგების გამოქვეყნების შემდეგ გამართულ პრესკონფერენციაზე განაცხადა.

„მოგიწოდებთ, დაიცვათ თქვენი ყოველი ხმა. ეგზიტ-პოლების მონაცემები ხომ მხოლოდ სოციოლოგიაა. არჩევნების საბოლოო შედეგის გამოქვეყნებამდე რომელიმე კანდიდატის გამარჯვებაზე საუბარი ნაადრევია. ყველას, ვინც ხმა მისცა დემოკრატიას, მადლობას გიხდით“, - აღნიშნა ტიმოშენკომ.

უკრაიანის ცენტრალური საარჩევნო კომისიის მონაცემებით, 8 თებერვალს შუადღისთვის დამუშავებული იყო საარჩევნო ოქმების 97,34 პროცენტი, რომლის თანახმად, ვიქტორ იანუკოვიჩს ამომრჩეველთა ხმების 48,34, ხოლო იულია ტიმოშენკოს 46,05 პროცენტი აქვთ.

განსხვავება იანუკოვიჩსა და ტიმოშენკოს მერ დაგროვილ ხმებს შორის 2,19 პროცენტს შეადგენს (მანამდე 2,09 პროცენტი იყო). ორივე კანდიდატის წინააღმდეგ ხმა მისცა 4,41 პროცენტმა. იანუკოვიჩს 11 805 065-მა ამომრჩეველმა დაუჭირა მხარი, ხოლო იულია ტიმოშენკოს 11 247 248-მ.

არჩევნების საბოლოო შედეგებს ცესკო 17 თებერვალს გამოაქვეყნებს.

„ინტერპრესნიუსი“

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC