19:53, Monday, 14.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

გურიაში ყაჩაღური თავდასხმები განახლდა

22.02.2010
ოზურგეთის მუნიციპალიტეტის სოფელ ძიმითში მცხოვრებ მოხუც დებს, ხარატებს 14 თებერვალს თავს შეიარაღებული პირები დაესხნენ.

თავდამსხმელებმა ცეცხლსასროლი იარაღით დაჭრეს 68 წლის ლეილა, რომელიც ადგილზევე გარდაიცვალა. მის დას - 78 წლის ციალა ხარატს კი სახის არეში გამჭოლი ჭრილობა მიაყენეს. მძიმე მდგომარეობაში მყოფი დაზარალებული ოზურგეთის ცენტრალური საავადმყოფოს ქირურგიულ განყოფილებაშია მოათავსეს და სასწრაფო ოპერაცია გაუკეთეს.

როგორც ოჯახის ახლო ნათესავი ამბობს, დები სახლში მარტო ცხოვრობდნენ და ამიტომ მეზობლებმა მომხდარის შესახებ მხოლოდ მეორე დღეს შეიტყვეს. „ძარცვის კვალი არ ჩანს, ყაჩაღებს არაფერი არ წაუღიათ“, - ამბობს გარდაცვლილის ნათესავი.

2010 წელს ოზურგეთის მუნიციპალიტეტში კრიმინოგენური მგომარეობა მკვეთრად გაუარესდა. მართალია, ამის შესახებ გურიის სამხარეო სამმართველოს პრესამსახურში კომენტარს არ აკეთებენ, მაგრამ ფაქტები სწორედ ამ სამწუხარო რეალობას მეტყველებს.

ოზურგეთის მუნიციპალიტეტის სოფელ შრომის რწმუნებულს, ზურაბ მჟავანაძეს შეიარაღებული პირები თავს 7 იანვარს დაესხნენ. ცოტა ხნით ადრე კი ოზურგეთელი სტომატოლოგი საკუთარ კაბინეტში თანხის გამოძალვის მიზნით ცეცხლსასროლი იარაღით ზურგში დაჭრეს.

ასევე ცოტა ხნის წინ ქალაქის ცენტრში მდებარე სამშენებლო მასალების მაღაზია გაძარცვეს. მეორე დღეს კი დღის საათებში ერთ-ერთი ექიმის საცხოვრებელი სახლი გაქურდეს, საიდანაც ანტიკვარული ნივთები და ძვირადღირებული ტექნიკა გაიტანეს.

ოზურგეთის მუნიციპალიტეტში წვრილმანი ქურდობები ჩვეულებრივ მოვლენად იქცა. თითქმის ყოველდღიურად ფიქსირდება ქურდობისა და ძარცვის შემთხვევები. დაზარალებულები პოლიციას მომხდარის შესახებ ხშირად არ ატყობინებენ, რადგან გამოძიების იმედი ნაკლებად აქვთ.

შორენა ღლონტი, გურია

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC