01:17, Thursday, 06.08.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ანდერს ფოგ რასმუსენი: „ნატოს წევრობა საჩუქარი არ არის“

23.02.2010
22 თებერვალს ჯორჯსტაუნის უნივერსიტეტში გამოსვლისას ნატოს გენერალურმა მდივანმა ანდერს ფოგ რასმუსენმა განაცხადა, რომ ნატო უარს არ ამბობს საქართველოსა და უკრაინის ალიანსში გაწევრიანების გეგმაზე, მაგრამ ამისათვის აქტიური რეფორმებია საჭირო. რასმუსენმა ასე უპასუხა ქართველი სტუდენტის კითხვას - რამდენად მალე შეძლებს საქართველო, გახდეს ნატოს წევრი ქვეყანა.
 
„ნატოს წევრობა საჩუქარი კი არ არის, არამედ, ეს პირველ რიგში, მკაცრ კრიტერიუმებთან შესაბამისობაა. ამ ქვეყნებმა უნდა გაატარონ რეფორმები და თანაც - არა მხოლოდ უსაფრთხოების სფეროში“, - განაცხადა რასმუსენმა.

მან სტუდენტებს შეახსენა, რომ ბუქარესტის სამიტზე 2008 წელს ნატომ მიიღო პოლიტიკური გადაწყვეტილება, რომ საქართველო და უკრაინა გახდებიან ალიანსის წევრები, მაგრამ ეს პირველ რიგში თვითონ თბილისსა და კიევზე არის დამოკიდებული.

„საქართველო, ისევე როგორც უკრაინა, გახდებიან ნატოს წევრები, თუკი ისინი შეასრულებენ ყველა მოთხოვნას, რომლებიც მათ წაყენებული აქვთ, როგორც კანდიდატ ქვეყნებს. ეს მოთხოვნები მოიცავს საკითხებისა და პრობლემების ფართო სპექტრს. ეს საკითხები არა მხოლოდ თავდაცვის, არამედ სამოქალაქო და საზოგადოებრივ სფეროებსაც ეხება“, - აღნიშნა რასმუსენმა.

ნატოს გენერალურმა მდივანმა დასძინა, რომ ამჟამად ნატო აქტიურად თანამშრომლობს საქართველოსთან და უკრაინასთან, ორმხრივი სამუშაო ჯგუფების რეჟიმში.

უფრო ადრე რუსეთის მუდმივმა წარმომადგენელმა ნატოში, დიმიტრი როგოზინმა განაცხადა, რომ ახლო პერსპექტივაში, უკრაინა არ გახდება ჩრდილოატლანტიკური ალიანსის წევრი. ამავე დროს, როგოზინმა აღნიშნა, რომ ნატოს გაფართოებამ აღმოსავლეთით მიაღწია თავის ბუნებრივ საზღვრებს.

„ამ საზღვრებს იქით მოძრაობა არ შეიძლება. ეს გამოიწვევს რყევებს ნატოსა და რუსეთს შორის ურთიერთობაში“, - განაცხადა როგოზინმა.

„რია ნოვოსტის“ მიხედვით


Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

მორიგების მორიგი შეთავაზება
საზოგადოება ინფორმირებულია, რომ 2017 წლის დეკემბრიდან ქალაქ თბილისის მერიისა და წყლის გამანაწილებელი კომპანიის - GWP-ს წინააღმდეგ სასამართლოში შეტანილი მაქვს სარჩელი, რომლითაც მოვითხოვ თბილისის
ვრცლად...
ძალადობის მსხვერპლი ქალები
ცხოვრება ეჭვისა და უნდობლობის სამყაროში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC