05:52, Saturday, 19.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

პატიმრების წამება გრძელდება

15.03.2010
ციხეში პატიმრების ცემის მიზეზი დირექტორის წინააღმდეგ შეტანილი საჩივარი გახდა. 

2006 წელს სახალხო დამცველს სამმა პატიმარმა მიმართა განცხადებით, რომ ციხის ადმინისტრაციის მხრიდან მათზე ფიზიკური შეურაცხყოფა ხორციელდებოდა.  მაშინდელი სახალხო დამცველის, სოზარ სუბარის მითითებამ, რომ ასეთი ფაქტები აღარ განმეორებულიყო, შედეგი არ გამოიღო. პატიმრების წამება დიდხანს გრძელდებოდა. ერთ-ერთ პატიმარს ცემის დროს კბილები ჩაუმტვრიეს. თუმცა, შემდეგ, კვალის დასაფარად, ახალი კბილები ჩაუსვეს.

2009 წელს სოზარ სუბარმა „ადამიანის უფლებათა ცენტრს“ მონიტორინგში ჩართვა სთხოვა. ცენტრის იურისტის, ნინო ანდრიაშვილის საქმეში ჩართვის შემდეგ, ორი პატიმარი ქუთაისის ციხეში გადაიყვანეს, რის გამოც მათი მონახულება გართულდა. დღესდღეობით ქუთაისში სამიდან ერთი პატიმარი, ვაჟა გეგენავა იმყოფება, ერთი ცოტა ხნის წინ დააბრუნეს რუსთავის მე-6 დაწესებულებაში, სადაც მესამე პატიმარი იხდიდა სასჯელს. 6 მარტს ორივენი (რუდიკ ოვაკიმიანი და იმედა ბუთხუზი) გადაიყვანეს სასჯელაღსრულების #2 დაწესებულებაში, სადაც ციხის დირექტორი, გოგა კიკნაველიძე მათ მუშტებითა და გინებით დახვდა.

პატიმრებმა დირექტორის წინააღმდეგ კიდევ ერთი განცხადება შეადგინეს და გადასცეს ნინო ანდრიაშვილს, რომელმაც თავის მხრივ, დოკუმენტის რეგისტრაციისათვის ციხის ადმინისტრაციას მიმართა. პატიმრები სახალხო დამცველის რწმუნებულმაც მოინახულა და მათი სხეულზე არსებული დაზიანებები დაადასტურა. 

ნინო ანდრიაშვილის თქმით, საპყრობილის დირექტორმა განცხადების გაცნობის შემდეგ შეიძლება კიდევ მიაყენოს ფიზიკური შეურაცხყოფა პატიმრებს.

ამჟამად, „ადამიანის უფლებათა ცენტრის“ ადვოკატი საჩივარს შეიტანს მთავარ პროკურატურაში, სადაც საქმე 2006 წლიდან სამსახურებრივი უფლებამოსილების გადამეტების ფაქტზე არის აღძრული.

ანა შეშაბერიძე

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC