კახეთის საინფორმაციო ცენტრის ინფორმაციით, შს კახეთის სამხარეო მთავარი სამმართველოს თანამშრომლებმა კახეთის გუბერნატორის ყოფილი მოადგილე კახი გემაზაშვილი, სახელმწიფო ქონების მართვისა და პრივატიზაციის კახეთის სამმართველოს ყოფილი უფროსი კოტე მახათელაშვილი და მათთან ერთად სხვა პირები დააკავეს.
ყოფილი თანამდებობის პირების დაკავება შს კახეთის სამხარეო სამმართველოში დაადასტურეს, მაგრამ დაკავების მიზეზებზე კომენტარი არ გააკეთეს. ამ საკითხზე კომენტარისგან თავი შეიკავეს შსს-ში და საქართველოს პროკურატურაში.
კახი გემაზაშვილი კახეთის გუბერნატორის ადმინისტრაციაში პეტრე ცისკარიშვილის გუბერნატორობის პერიოდში მუშაობდა. ამავე დროს ხელმძღვანელობდა კოტე მახათელაშვილიც პრივატიზაციის სამმართველოს. მას შემდეგ მახათელაშვილი სავაჭრო პალატის წარმომადგენელი იყო რეგიონში.
კახეთის საინფორმაციო ცენტრის ინფორმაციით, გემაზაშვილი 2010 წლის 30 მაისის ადგილობრივი თვითმმართველობის არჩევნებში თელავში კენჭისყრას გეგმავდა, თავდაპირველად ოპოზიციური პოლიტიკური პარტიიდან, თუმცა მოგვიანებით ის „ნაციონალურმა მოძრაობამ“ თავის პარტიულ სიაში შეიყვანა და რამდენიმე დღეში დააკავეს კიდეც.
გავრცელებული ინფორმაციით, სამართალდამცავებმა გარემოს დაცვისა და ბუნებრივი რესურსების მინისტრის მოადგილე გოჩა მამაცაშვილიც დააკავეს, რომელიც ცისკარიშვილის გუბერნატორობის დროს თელავის რაიონის გამგებელი იყო. ამ ინფორმაციას გარემოს დაცვის სამინისტროს პრესსამსახურის უფროსი ეკა ბენდელიანი კატეგორიულად უარყოფს.
„მამაცაშვილი არავის დაუკავებია. მე მას 10 წუთის წინ ტელეფონით ვესაუბრე“, - აღნიშნა ბენდელიანმა.
„კახეთის საინფორმაციო ცენტრი“
ახალი ამბები
პოპულარული
სტატია
13 თებერვალი, 2024
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სტატია
28 დეკემბერი, 2023
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
სტატია
13 დეკემბერი, 2023
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
