30 მაისს ადგილობრივი თვითმმართველობის არჩევნების მიმდინარეობისას თელავის N17 საარჩევნო კომისიის N45 უბანზე პოლიციელები საარჩევნო უბნის ეზოში იმყოფებოდნენ. როგორც „ ადამიანის უფლებათა ცენტრის“ დამკვირვებელმა განაცხადა, საპატრულო პოლიციის ორი თანამშრომელი N45 უბანზე დაახლოებით 20 წუთის განმავლობაში უკანონოდ იყო.
„თელავის N45 საარჩევნო უბანი საბავშვო ბაღის შენობაშია განთავსებული. ეზოში მყოფ ორ პოლიციელს ცოტა ხანში 4 პოლიციელით სავსე საპატრულო პოლიციის მანქანა შემოუერთდა და შენობის წინ გაჩერდა, რისი უფლებაც არ ქონდათ“ - აღნიშნა „ადამიანის უფლებათა ცენტრის“ დამკვირვებელმა. მისი განმარტებით, ამ დარღვევასთან დაკავშირებით საჩივარი შეადგინა, რომელიც N45 საარჩევნო უბნის კომისიამ ჩაიბარა.
დამკვირვებლის საჩივარს გარკვეული რეაგირება მოჰყვა და საპატრულო პოლიციის თანამშრომლებმა საარჩევნო უბნის მიმდებარე ტერიტორია დატოვეს.
კახეთის საინფორმაციო ცენტრი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
