ადგილობრივი თვითმმართველობის არჩევნებში მომხდარ დარღვევებთან დაკავშირებით ოპოზიციური პარტიების წარმომადგენლებისა და ორგანიზაცია „სამართლიანი არჩევნების“ კოორდინატორის მიერ სენაკის #64 საოლქო-საარჩევნო კომისიაში რვა საჩივარი შევიდა.
რვავე საჩივარი #20 საარჩევნო უბანზე მომხდარ დარღვევებს ეხებოდა. ამათგან ორი რაიონული სასამართლოს მოსამართლემ დავით კეკენაძემ 3 ივნისს განიხილა. მოსარჩელეები სენაკის #20 საარჩევნო უბნის შედეგების ბათილად ცნობას ითხოვდნენ. მათი მტკიცებით, ამ უბანზე გადასატან ყუთში ბიულეტენების რაოდენობა იმაზე მეტი აღმოჩნდა, ვიდრე ამას ამ კატეგორიის ამომრჩეველთა სია ითვალისწინებდა. ამავე დროს, უზუსტობები აღმოჩნდა შედეგებშიც.
მოსამართლე კეკენაძემ სარჩელი #20 საარჩევნო უბნის შედეგების ბათილად ცნობის შესახებ არ დააკმაყოფილა. ოპოზიციური პარტიების წარმომადგენლები და „სამართლიანი არჩევნების“ კორდინატორი სასამართლოს გადაწყვეტილების ზემდგომ ინსტანციაში გასაჩივრებას გეგმავენ.
ინგა გვასალია, სამეგრელო
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
