19:48, Tuesday, 31.03.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ეფრემიძე სკოლის დირექტორს დევნაში ადანაშაულებს

24.06.2010
ფოთის მე-5 საჯარო სკოლის პედაგოგი ირინა ეფრემიძე სკოლის დირექტორს, ნანა თოფურიას დევნაში ადანაშაულებს. როგორც ეფრემიძე ამბობს,  უთანხმოება მათ შორის მას შემდეგ დაიწყო, რაც მან, როგორც სამეურვეო საბჭოს წევრმა პედაგოგმა, დირექტორობის კანდიდატად წარდგენილ ნანა თოფურიას მხარი არ დაუჭირა. მისივე თქმით, იმ დროისათვის იგი მე-5 საჯარო სკოლაში აღმზრდელობით დარგში დირექტორის მოადგილედ მუშაობდა, ნანა თოფურიამ კი იგი, დირექტორის არჩევიდან სულ მალე, თანამდებობიდან ყოველგვარი ახსნა-განმარტებების გარეშე გაათავისუფლა.

საქმე სასამართლომდეც მივიდა, რომელმაც მოპასუხე მხარეს დააკისრა ირინა ეფრემიძე თანამდებობაზე დაუყოვნებლივ აღედგინა. ნანა თოფურიას სასამართლოს გადაწყვეტილების აღსასრულებლად თავი არ შეუწუხებია, ვიდრე საქმეში ფოთის პროკურატურა და პრეზიდენტის ადმინისტრაცია არ ჩაერთო.

ირინა ეფრემიძე მე-5 სკოლაში თანამდებობაზე აღადგინეს. ცოტა ხნის შემდეგ კი დირექტორის მოადგილის თანამდებობა საკუთარი სურვილით დატოვა. იგი სკოლაში მხოლოდ პედაგოგიურ მოღვაწეობას ეწევა. პარალელურად კი სოციალურ სააგენტოში ბავშვთა ზრუნვის საკითხებს ხელმძღვანელობს.

თუმცა, ირინა ეფრემიძის სამსახურებრივი პრობლემა ამით არ ამოწურულა. როგორც იგი ამბობს, რამდენიმე დღის წინ, დირექტორმა მას საათების შემცირების შესახებ ახალი გადაწყვეტილება გააცნო. ირინა ეფრემიძე ნანა თოფურიას დისკრიმინაციაში ადანაშაულებს. თავად თოფურია კომენტარს არ აკეთებს. მისი მოადგილის გია ლომიას თქმით კი, საათების შემცირება სკოლაში რუსული ენისა და ლიტერატურის პედაგოგთა დიდმა რაოდენობამ განაპირობა და სხვანაირად საათების გადანაწილება უბრალოდ ვერ ხერხდებოდა. ეფრემიძეს ამ არგუმენტების არ სჯერა და პოზიციების დათმობას არ აპირებს.

ინგა გვასალია, სამეგრელო
Print Send to Friend Send to Facebook Tweet This
სახელი: დავით
2012-06-15 08:39
რატომ არ გაუშვეს სამსახურიდან ეს დირექტორი??განატლების სისტემის მწყობრში მოყვანას ასეთი ხალხის მეშვეობით ვერ შევძლებთ...
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

აპოკალიფსი არ იქნება
  ჩვენი ქვეყნის სახელმწიფოებრიობის მრავალსაუკუნოვანი ისტორიის მიუხედავად, სწორედ ახლა არის დრო, როცა საქართველოში პასუხისმგებლიანი სამოქალაქო საზოგადოების ჩამოყალიბება შეგვიძლია, რამაც მნიშვნელოვნად უნდა
ვრცლად...
საგანგებო მდგომარეობის გავლენა საპარლამენტო არჩევნებზე
შშმ მსჯავრდებულთა უფლებები პენიტენციურ დაწესებულებაში
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC