13:44, Wednesday, 11.12.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ურმას პაეტი: „საქართველოს ტერიტორიის ნაწილის ოკუპირება საერთაშორისო სამართლისთვის სრულიად მიუღებელია“

08.09.2010

ინტერპრესნიუსი
 

8 სექტემბერს ესტონეთის საგარეო საქმეთა მინისტრი ურმას პაეტი ახალგორის მოსაზღვრე სოფელ ოძისში იმყოფებოდა. პაეტის ევროკავშირის დამკვირვებლებმა ტერიტორიაზე არსებული მდგომარეობა გააცნეს.

ესტონეთის საგარეო საქმეთა მინისტრს მიაწოდეს ინფორმაცია ქართული და რუსული ბლოკ-პოსტების, ასევე, რუსი მესაზღვრეების განლაგების შესახებ; აცნობეს, რომ ამჟამად ახალგორის რაიონის მოსახლეობის უმეტესობა დევნილია და რაიონში მხოლოდ 1000 ადამიანი ცხოვრობს. დამკვირვებლების ინფორმაციით, ადმინისტრაციულ საზღვრებს დღეში, საშუალოდ, 300 ადამიანი კვეთს.

ურმას პაეტის ასევე გააცნეს საზღვრის გადაკვეთის წესები და საზღვრის გადაკვეთის უფლების პირობები. ამასთან, ევროკავშირის დამკვირვებელეთა ინფორმაციით, ახალგორში ამჟამად არის ფაქტობრივი ეკონომიკური კოლაფსი - რაიონს არ მიეწოდება გაზი, იქ მხოლოდ პატარა ჰოსპიტალი და პირველადი დახმარების კლინიკაა განთავსებული; ახალგორის სკოლებში მხოლოდ 70 მოსწავლე სწავლობს; ახალგორიდან დევნილებს კი ოკუპირებულ ტერიტორიებზე დაბრუნების საშუალება არა აქვთ.

სოფელ ოძისში იმყოფებოდა ახალგორის რაიონის პოლიციის უფროსი თემურ ბურდული, რომელმაც ესტონეთის საგარეო საქმეთა მინისტრს აცნობა, რომ ამ ტერიტორიაზე ინციდენტები არც ისე ხშირია.

დუშეთის რაიონის სოფელი ოძისი ახალგორთან მოსაზღვრე ბოლო ქართული სოფელია. აქედან ერთ კილომეტრში ახალგორის რაიონის სოფელი ახმაჯი იწყება.

„რუსი სამხედროების მიერ საქართველოს ტერიტორიის ნაწილის ოკუპირება საერთაშორისო სამართლისთვის სრულიად მიუღებელია“, - განაცხადა ესტონეთის საგარეო საქმეთა მინისტრმა ოძისში სტუმრობისას.

„მე გავეცანი ახალგორის მიმდებარე ტერიტორიაზე არსებულ მდგომარეობას. რაც აქ ხდება, საერთაშორისო სამართლისთვის სრულიად მიუღებელია, ვინაიდან გრძელდება საქართველოს ტერიტორიის ნაწილის ოკუპირება და საქართველოს ტერიტორია გაყოფილია. ჩვენ უნდა მივაღწიოთ, რომ ეს მდგომარეობა გამოსწორდეს“, - აღნიშნა ურმას პაეტიმ.

მისივე განცხადებით, მოხარულია, რომ ოკუპირებული ტერიტორიების მიმდებარედ საქმიანობს ევროკავშირის სადამკვირვებლო მისია.

„ეს არის ერთადერთი საერთაშორისო მისია, რომელიც ამ ტერიტორიებზე საქმიანობს. ეს ძალიან მნიშვნელოვანია, რათა შემცირდეს ინციდენტები. მთელმა საერთაშორისო თანამეგობრობამ უნდა გააგრძელოს მუშაობა, რათა ეს მდგომარეობა აღარ იყოს. საერთაშორისო ორგანიზაციებმა არ უნდა სცნონ ის ცვლილებები, რომელიც აქ რუსეთმა განახორციელა“, - განაცხადა ურმას პაეტიმ.
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC