12:36, Tuesday, 31.03.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

საიას დასკვნით, კონსტიტუციის არსებული პროექტი დასახვეწია და პარლამენტმა მესამე მოსმენით არ უნდა მიიღოს

07.10.2010
„საქართველოს ახალგაზრდა იურისტთა ასოციაციამ“ (საია) კონსტიტუციის პროექტთან დაკავშირებით დასკვნა გამოაქვეყნა. დოკუმენტში უარყოფითად არის შეფასებული ახალი კონსტიტუციის მიღების დაჩქარებული ტემპი, რამაც საია-ს აზრით, ცაიტნოტში ჩააყენა საზოგადოება გამოეთქვა და დაეცვა საკუთარი შეხედულება.

დასკვნა დღეს მედიის წარმომადგენლებს საია-ს თავმჯდომარემ თამარ ხიდაშელმა გააცნო. დოკუმენტში საია კიდევ ერთხელ სვამს კითხვას - რატომ ეჩქარება საქართველოს ხელისუფლებას შეცვალოს კონსტიტუციის ძირეული დებულებები მაშინ, როდესაც ცვლილებათა დიდი ნაწილი ძალაში მხოლოდ 3 წლის შემდეგ - 2013 წლის 1 დეკემბერს შედის?! საია ხაზგასმით აღნიშნავს, რომ ხელისუფლების მიერ შემოთავაზებულმა საკონსტიტუციო რეფორმამ ვერ მიაღწია გამოცხადებულ ორ მიზანს - ახალი საკონსტიტუციო რეფორმის გარშემო მომხდარიყო საზოგადოების კონსოლიდაცია და შექმნილიყო სახელისუფლებო განშტოებათა ეფექტური, გაწონასწორებული სისტემა.

საია-ს სამართლებრივი ანალიზით, კონსტიტუციური კანონით წარმოდგენილი ვარიანტი არ შეესაბამება საქართველოში მმართველობის სფეროში არსებულ გამოწვევებს. იგი ვერ გვთავაზობს ადამიანის უფლებებისა და საკუთრების დაცვის არსებით გარანტიებს. ხელისუფლების შტოებს შორის ბალანსის თვალსაზრისით კი, პარლამენტის როლი უკიდურესად სუსტია, ხოლო მთავრობა, კერძოდ - პრემიერ მინისტრი, ქვეყანას ძალაუფლების მატარებელ მონსტრად ევლინება.

დოკუმენტის თანახმად, განსაკუთრებით შემაშფოთებელია პრემიერის მიერ ნდობაგამოცხადებული მთავრობის სრული შემადგენლობის შეცვლის უფლებამოსილება, რა დროსაც პარლამენტის როლი უგულებელყოფილია. ასევე, უკიდურესად გართულებულია და დროში გაწელილია ნდობის გამოცხადების პროცედურა. ასოციაცია ასევე მიიჩნევს, რომ ცვლილებები კითხვის ნიშნის ქვეშ აყენებს სასამართლოს დამოუკიდებლობას და ბუნდოვანი ჩანაწერით ზრდის ადგილობრივ თვითმმართველობაზე ზეწოლის შესაძლებლობას. ამის გათვალისიწნებით, ახალგაზრდა იურისტებს მიაჩნიათ, რომ არსებული პროექტი საჭიროებს დახვეწას და ის პარლამენტმა მესამე მოსმენით არ უნდა მიიღოს.

„ახალგაზრდა იურისტთა ასოციაცია“ კონსტიტუციის პროექტთან დაკავშირებით დასკვნას პარლამენტს დღესვე წარუდგენს.

ინტერპრესნიუსი
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

შშმ მსჯავრდებულთა უფლებები პენიტენციურ დაწესებულებაში
შვიდი წელია არასამთავრობო ორგანიზაცია ადამიანის უფლებათა ცენტრში ვმუშაობ და ამდენივე წელია, რაც პენიტენციურ დაწესებულებაში მყოფ მსჯავრდებულთა უფლებრივ მდგომარეობას ვსწავლობ.
ვრცლად...
გორაშვილი vs ნაჭყებია
სიკვდილით სავსე ქალაქი
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC