22:58, Monday, 21.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ცვლილება კოდექსში - სასამართლო საქმეს იიოლებს

15.03.2011

სოფო გეწაძე

სამოქალაქო საპროცესო კოდექსის პირველი კარის 78-ე მუხლში ცვლილება შევიდა. ცვლილების თანახმად, თუ მხარის ადგილსამყოფელი უცნობია ან მისთვის სასამართლო უწყების ჩაბარება ვერ ხერხდება, სასამართლო უფლებამოსილია, გამოიტანოს განჩინება სასამართლო შეტყობინების საჯაროდ გავრცელების შესახებ.

როგორც პარლამენტის იურიდიულ კომიტეტში აცხადებენ, ცვლილების შეტანა სადავო პროცესის მონაწილეების მხრიდან პროცესისთვის თავის არიდების მცდელობის სიმრავლემ გამოიწვია.

„სასამართლო ავსებს კანონის ხარვეზს და აფართოვებს მხარისათვის ინფორმაციის მიწოდების არეალს. აქამდე თუ ეს ხორციელდებოდა პრესის მეშვეობით, ახლა პრესა ძალაში რჩება, მაგრამ მას ემატება სასამართლოს შენობაში თვალსაჩინო ადგილზე განთავსება და ვებგვერდი“, - აცხადებს იურიდიული კომიტეტის წევრი თეიმურაზ წურწუმია.

განსხვავებული მოსაზრება აქვს იურისტთა ნაწილს. ისინი მიიჩნევენ, რომ ცვლილების შემდეგ უფრო მეტად შეილახება მოპასუხის ინტერესები. როგორც იურისტი ზურა ერემაშვილი ადამიანის უფლებათა ცენტრთან საუბრისას აღნიშნავს, ცვლილების თანახმად, თუ პირი არ გამოცხადდება და მის წინააღმდეგ გადაწყვეტილება გამოვა, იგი 7 დღეში კანონიერ ძალაში შედის. ეს კი, ბუნებრვია, შეუქცევად შედეგს გამოიწვევს.

„ჩემი მარწმუნებელი იმყოფებოდა საბერძნეთში. მის წინააღმდეგ შეიტანეს სარჩელი 2008 წელს და სასამართლომ დაუსწრებლად გამოუტანა გადაწყვეტილება.  საბერძნეთში რადგანაც იყო, ვერ გააფრთხილეს. მხოლოდ გაზეთში გამოაქვეყნეს ინფორმაცია სასამართლო სხდომის დანიშვნაზე. გაზეთი კი ვრცელდება მხოლოდ საქართველოს მასშტაბით. ამიტომ ჩემს მარწმუნებელს დაეკისრა 32 000 დოლარის გადახდა“, – აცხადებს იურისტი.

ცვლილების უარყოფით მხარეზე საუბრობს ადამიანის უფლებათა ცენტრის იურისტი ნინო ანდრიაშვილი. მისი თქმით, სასამართლო ვალდებულია მიმართოს იმ ტერიტორიულ ერთეულს, სადაც ეს ადამიანი იმყოფება.

„თუ ქუთაისში იმყოფება, მაშინ მერია დაიხმაროს, გამგეობა დაიხმაროს და მისი მეშვეობით მოიძიოს ამ ადამიანის მისამართი ანუ კანონი ითვალისწინებს ამ პირობებს, მაგრამ ახლა სასამართლო რატომღაც ირჩევს ყველაზე იოლ გზას“, – განმარტავს ანდრიაშვილი.

იურისტების თქმით, ყველაზე იოლი გზის არჩევით ილახება კანონით გათვალისწინებული მთავარი პრინციპი, რომლის თანახმადაც, სამართალწარმოება მიმდინარეობს შეჯიბრობითობის საფუძველზე. მხარეები სარგებლობენ თანაბარი უფლებებითა და შესაძლებლობებით, დაასაბუთონ საკუთარი მოთხოვნები და უარყონ ან გააქარწყლონ მეორე მხარის მიერ წამოყენებული არგუმენტები.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC