13:14, Saturday, 22.02.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სახალხო დამცველი სახელმწიფოს ბოშათა კულტურასა და ტრადიციებზე ზრუნვას სთხოვს

11.04.2011
სახალხო დამცველი სახელმწიფოს ბოშათა კულტურასა და ტრადიციებზე ზრუნვას სთხოვს. ომბუდსმენის მიერ პარლამენტში წარდგენილ ანგარიშში ნათქვამია, რომ ეროვნულ უმცირესობათა დაცვის ევროპული ჩარჩო კონვენციის თანახმად, კონკრეტული უმცირესობის ჯგუფის ენა და მისი შენარჩუნება ამ ჯგუფის იდენტობის ერთ–ერთ ძირითად შემადგენელ ნაწილს წარმოადგენს.

„საქართველოში ბოშურ ენაზე მხოლოდ ბოშები საუბრობენ, მისი არსებობის შესახებ ინფორმაციას კი საზოგადოების ძალიან მცირე ნაწილი ფლობს – უმეტესად იმ ორგანიზაციებში დასაქმებული პირები, რომლებიც უშუალოდ მუშაობენ ბოშათა პრობლემებზე. ბოშური ენის მნიშვნელობის აღიარება და ეთნიკური ბოშების ჯგუფის შიგნით ენის შენარჩუნებაზე ზრუნვა აუცილებელია, ვინაიდან მშობლიური ენის დაკარგვა ჯგუფის იდენტობისთვის საფრთხის შემქმნელ წინაპირობას წარმოადგენს“, – ნათქვამია ანგარიშში.

სახალხო დამცველი აღნიშნავს, რომ საქართველოში არ მიმდინარეობს ბოშათა კულტურის პოპულარიზაცია და საზოგადოების უმრავლესობა არ ფლობს ინფორმაციას ბოშათა კულტურისა და ტრადიციების შესახებ. ამ ეთნიკურ ჯგუფზე საზოგადოების წარმოდგენა კი მხოლოდ არსებული სტერეოტიპებით შემოიფარგლება.

დედოფლისწყაროს რაიონის სოფელ ლენინოვკაში არსებული არასამთავრობო ორგანიზაცია „რომას“ ხელმძღვანელი სახალხო დაცველის აპარატთან საუბრისას აღნიშნავს, რომ ბოშები თანდათანობით კარგავენ თავიანთ კულტურასა და ტრადიციებს, რამაც აღნიშნული ჯგუფის სრული ასიმილაცია შეიძლება გამოიწვიოს.

„შესაბამისად, სახელმწიფოს მხრიდან ბოშათა კულტურისა და ტრადიციების შენარჩუნებაზე ზრუნვა აუცილებელია. აღნიშნული წინგადადგმული ნაბიჯი იქნებოდა როგორც ეთნიკური ბოშების კულტურის შენარჩუნებისთვის, ასევე მნიშვნელოვნად შეუწყობდა ხელს ქართველი ბოშების საზოგადოებაში ინტეგრაციას, რაც საქართველოს მიერ ეროვნულ უმცირესობათა დაცვის ევროპული ჩარჩო კონვენციით ნაკისრ ვალდებულებასთან შესაბამისობაში მოვიდოდა“, – მიიჩნევს სახალხო დამცველი.

საქართველოში წარმოდგენილი ეთნიკური ბოშების მშობლიური ენაა ბოშური, კრიმის და ვლახის დიალექტით. ბოშების ქართული ენის ფლობის დონე კი მათივე განსახლების ადგილზეა დამოკიდებული. საქართველოში მცხოვრები ბოშების ზუსტი სტატისტიკა არ არსებობს. ბოშების ჩასახლებები საქართველოს სხვადასხვა რეგიონში მდებარეობს – ქ. თბილისის სამგორის რაიონში, გარდაბნის რაიონის სოფელ გაჩიანში, დედოფლისწყაროს რაიონის სოფელ ლენინოვკაში, ქ. თელავში, ქ. ქუთაისის ავანგარდის უბანში, ქ. ბათუმსა და ქ. ქობულეთში.

ინტერპრესნიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC