08:41, Monday, 16.12.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

საქართველოს ვალდებულებებს ევროსაბჭოშიც შეახსენებენ

12.04.2011

ინტერპრესნიუსი

ევროსაბჭოს საპარლამენტო ასამბლეაზე საქართველოს მიერ აღებული ვალდებულებების შესრულების საკითხს განიხილავენ. ამის შესახებ ევროსაბჭოს ოფიციალური ვებგვერდი იუწყება.

ევროსაბჭოს საპარლამენტო ასამბლეა სტრასბურგში გუშინ - 11 აპრილს გაიხსნა. დღეს კი უნდა გაიმართოს დებატები რამდენიმე თემაზე, მათ შორის არის საქართველოს მიერ აღებული ვალდებულებების შესრულება.

დღევანდელ სხდომაზე მოისმენენ მონიტორინგის კომიტეტის მომხსენებლების – კასტრიო ისლამისა და მიხაელ იენსენის მიერ მომზადებულ ანგარიშს. ანგარიში ხუთი ქვეთავისგან შედგება – წარდგენა, ძირითადი პოლიტიკური განვითარება, დემოკრატიული ინსტიტუტები, კანონის უზენაესობა, ადამიანის უფლებები.

40-გვერდიანი დოკუმენტის დასკვნაში წერია, რომ რუსეთთან 2008 წლის ომის შედეგებისა და პოლიტიკური ჩიხის მიუხედავად, რომელმაც საანგარიშო პერიოდში პოლიტიკური გარემო დააზარალა, საქართველოს ხელისუფლებამ დიდი ძალისხმევა გამოიჩინა და მნიშვნელოვან პროგრესს მიაღწია ევროსაბჭოს წინაშე აღებული ვალდებულებების შესრულებაში. თუმცა, აქვე დაფიქსირებულია რამდენიმე შენიშვნაც.

„საქართველოს ამ დრომდე არ შეუსრულებია წევრობის ზოგი ფორმალური ვალდებულება. ასევე პრობლემები რჩება დამოუკიდებელ სასამართლოსა და სამართლიანი და ეფექტური მართლმსაჯულების საკითხებთან დაკავშირებით“, - ნათქვამია ანგარიშის დასკვნაში.

ავტორებს მიაჩნიათ, რომ საქართველოში დემოკრატიული ინსიტუტების გაძლიერების მიუხედავად, პოლიტიკური დაძაბულობის გადასაჭრელად აუცილებელია დემოკრატიული რეფორმების გაგრძელება.

„დემოკრატიული სისტემის სიმყარე საპარლამენტო და საპრეზიდენტო არჩევნებმა უნდა დაამტკიცოს. ვურჩევთ საპარლამენტო ასამბლეას, კვლავ გააგრძელოს საქართველოში მონიტორინგის პროცედურა“, - აღნიშნულია ანგარიშში.

ევროსაბჭოს ოფიციალური ვებგვერდი, ამავე დროს, სრულად აქვეყნებს კასტრიო ისლამისა და მიხაელ იენსენის მიერ მომზადებულ ანგარიშს: http://assembly.coe.int/Mainf.asp?link=/Documents/WorkingDocs/Doc11/eDOC12554.htm 

Print Send to Friend Send to Facebook Tweet This
სახელი: Gracyn
2011-06-04 00:11
Thanks for shianrg. What a pleasure to read!
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC