საქართველოს გარდა, თითქმის არც ერთ ქვეყანაში დიზელი ბენზინზე ძვირი არ ღირს

ახალგაზრდა ფინანსისტთა და ბიზნესმენთა ასოციაციის მონაცემებით, საქართველოს გარდა, თითქმის არცერთ ქვეყანაში დიზელი ბენზინზე ძვირი არ ღირს: აზერბაიჯანში დიზელი 0.74 ლარი ღირს, ბენზინის ფასი კი 0.98 ლარია. ბელორუსში დიზელი 1.48 ლარი ღირს, ბენზინი - 1.70 ლარი, ფინეთში დიზელის ფასი 2.85 ლარით არის განსაზღვრული, ხოლო ბენზინის - 3.55 ლარით.

საბერძნეთში ერთი ლიტრა დიზელის ფასი 3.12 ლარით არის განსაზღვრული, ხოლო ბენზინის - 3.55 ლარით, იტალიაში დიზელი 3.26 ლარი ღირს, ბენზინი - 3.64 ლარი.

ლიტვაში 1 ლიტრა დიზელის ფასი 2.76 ლარია, ბენზინის – 2.92 ლარი. მოლდოვაში დიზელი 1.70 ლარი ღირს, ბენზინი - 1.84 ლარი. პოლონეთში დიზელისა და ბენზინის ფასები, შესაბამისად, 2.85 და 3.02 ლარია. რუმინეთში დიზელის ფასი 2.52 ლარს შეადგენს, ბენზინის კი – 2.80 ლარს. რაც შეეხება რუსეთს, დიზელის ფასი 1.24 ლარია, ხოლო ბენზინის - 1.41 ლარი. უკრაინაში დიზელი - 2.06 ლარი, ხოლო ბენზინი 2.35 ლარი ღირს.

საქართველოში საწვავი 10 აპრილს ისევ გაძვირდა. საცალო ქსელში ყველა ტიპის საწვავის ფასმა 5 თეთრით მოიმატა.

„ვისოლის“ ბენზინგასამართ სადგურებში აპი დიზელი ფასმა უკვე 2.40 ლარს მიაღწია, 2.35 ლარი ღირს ერთი ლიტრა აპი სუპერი. აპი პრემიუმის ფასი 2.30 ლარს შეადგენს, ევრო რეგულარის – 2.20 ლარს, დიზელ ენერჯი 2.25 ლარს, ხოლო რეგულარ ენერჯი – 2.15.

5 თეთრით გაძვირდა საწვავი „რომპელტროლის“ ქსელშიც. კომპანიის ბენზინგასამართ სადგურებში Efix ევრო დიზელი" უკვე 2.40 ლარი ღირს, Efix ევრო პრემიუმი – 2.30 ლარი, ევრო სუპერი - 2.35 ლარი, ევრო რეგულარი 93 – 2.17 ლარი, ევრო დიზელი - 2.25 ლარი.

ფასებმა იმატა სხვა კომპანიების პროდუქტებზეც.

ინტერპრესნიუსი