13:27, Thursday, 21.11.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

იუსტიციის მინისტრის მოადგილე ევროსასამართლოს გადაწყვეტილებაზე საუბრობს

05.05.2011

ნანა საჯაია, „ლიბერალი“

- ადამიანის უფლებათა ევროპულმა სასამართლომ საქმეზე „ენუქიძე და გირგვლიანი საქართველოს წინააღმდეგ" ნაწილობრივ დააკმაყოფილა მოსარჩელე მხარის მოთხოვნა და საქართველოს 50 000 ევროს გადახდა დააკისრა. როგორც პროცესზე საქართველოს მხარის წარმომადგენელი, ელოდით თუ არა ასეთ შედეგს?

- როდესაც სასამართლოს წინაშე გამოდიხარ, არასოდეს არ შეიძლება ზუსტად იცოდე შედეგი; გამონაკლისი არც ეს საქმე იყო.

- სასამართლომ განაცხადა, რომ ის „გაოგნებულია იმ შეთანხმებული ქმედებებით, რომლითაც ხელისუფლების სხვადასხვა შტოები მოქმედებდნენ“ და „არაკეთილგონივრული შემწყნარებლობა“ უწოდა პრეზიდენტ სააკაშვილის მიერ მსჯავრდებულების შეწყალებას. როგორ აფასებთ ევროპული სასამართლოს ამ შეფასებას?

- სამწუხაროდ, სხვა საერთაშორისო სასამართლოებისაგან განსხვავებით, მსგავსი ტერმინების გამოყენება დამახასიათებელია ევროსასამართლოსათვის. პირადად მე მსგავს მიდგომას არ ვეთანხმები; ჩემის აზრით, სასამართლომ ფაქტებს უნდა მისცეს სამართლებრივი და არა ემოციური შეფასება. ზემოხსენებულ ციტატასთან დაკავშირებით სამართლებრივი შეფასება არ მომხდარა და ბუნებრივია, ვერც მოხდებოდა; შეწყალება ის ეტაპია, რომელსაც გამოძიებასთან არაფერი აქვს საერთო. სასამართლო კი გადაწყვეტილების ამ ნაწილში სწორედ გამოძიებაზე საუბრობს.

- სასამართლოს გადაწყვეტილებით, გირგვლიანის მიმართ ჩადენილი დანაშაულები არ შეიძლება მიეწეროს სახელმწიფოს, რადგანაც დანაშაულის ჩადენის დროს დამნაშავეები არ ასრულებდნენ რაიმე წინასწარ დაგეგმილ პოლიციურ ოპერაციას, თუმცა, სამი მოსამართლე მიიჩნევდა, რომ საქართველომ მე-2 მუხლის არსებითი ასპექტიც დაარღვია, რადგანაც: „სახელმწიფო პასუხს აგებს თავისი აგენტების მოქმედებებისათვის და სახელმწიფოს გააჩნია ვალდებულება, ყურადღებით შეარჩიოს თავისი აგენტები“. რატომ ვერ შეძლო ქართულმა სახელმწიფომ ამ ორი ასპექტის გათვალისწინება?

- ქართულმა მხარემ წარადგინა არგუმენტები, რომელიც ადასტურებდა, რომ სახელმწიფო არ მონაწილეობდა და შესაბამისად ვერ იქნებოდა სანდრო გირგვლიანის სიკვდილზე პასუხისმგებელი. სასამართლოს შემადგენლობის უმრავლესობამ ეს არგუმენტები გაითვალისწინა. ინდივიდუალურ მოსამართლეებს რა თქმა უნდა, აქვთ საკუთარი განსხვავებული აზრის გამოთქმის შესაძლებლობა და ამ შემთხვევაშიც გამოიყენეს ეს რესურსი. თუმცა სასამართლოს გადაწყვეტილება ის არის, რაც უმრავლესობამ მოიწონა.

- სტრასბურგის სასამართლომ დაგმო ხელისუფლების მიერ თვალის დახუჭვა ბრალდებაზე, რომ დანაშაულის უშუალო ჩამდენები და კაფეში მყოფი ადამიანები დანაშაული თანამონაწილენი იყვნენ. განაჩენში ნათქვამია: „ხელისუფლების მიერ ამგვარი შერჩევითი მიდგომა სასამართლოსთვის მიუღებელია, რადგანაც იმისათვის, რომ გამოძიება ეფექტური იყოს, მისი დასკვნები ყოველთვის უნდა ეფუძნებოდეს ყველა შესაბამისი ელემენტის ღრმა, ობიექტურ და მიუკერძოებელ ანალიზს“. როგორია მთავრობის პოზიცია სასამართლოს ამ შეფასებაზე?

- მთავრობა ამ შეფასებას არ ეთანხმება; ჩვენ მიგვაჩნია, რომ გონივრულობის ფარგლებში ყველაფერი გაკეთდა გამოძიების ეფექტიანად წარმართვისთვის.

- ევროპულმა სასამართლომ განაცხადა, რომ სახელმწიფომ ჯეროვნად არ ითანამშრომლა ევროპულ სასამართლოსთან და დროულად და სრულად არ მიაწოდა მას გარკვეული მტკიცებულებები. რატომ არ ითანამშრომლა საქართველომ ევროპულ სასამართლოსთან?

- საქართველო ყოველთვის თანამშრომლობს ევროსასამართლოსთან, მიუხედავად იმისა, ვეთანხმებით თუ არა სასამართლოს დასკვნებსა და შეფასებებს. ამ საქმეშიც ზუსტად ასევე მოხდა; დაბრკოლება შეიქმნა ზოგიერთი მოთხოვნილი მასალის მიწოდებაში, რომელიც დაარქივებული იყო და მომზადებამ გარკვეული დრო წაიღო. თუმცა მასალები სასამართლოს მიეწოდა.


 

 

Print Send to Friend Send to Facebook Tweet This
სახელი: Peeuho
2012-07-29 07:45
I don't even know what to say, this made things so much easeir!
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC