16:43, Monday, 24.02.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

საერთაშორისო PEN-ცენტრი გმობს თბილისში ჟურნალისტებზე თავდასხმებს

20.06.2011
The Writers in Prison Committee  of PEN International-ის  კომიტეტი "მწერლები საპყრობილეში" (WiPC)  უერთდება საქართველოს PEN-ცენტრს  და გმობს ჟურნალისებზე განხორციელებულ  თავდასხმებს, 2011 წლის 26 მაისს, თბილისში მიმდინარე საპროტესტო აქციების დროს.  WiPC  მოუწოდებს საქართველოს მთავრობას ხელი შეუწყოს მოცემული ფაქტების სრულ და მიუკერძოებელ გამოძიებას.

2011 წლის 26 მაისს პოლიციის სპეციალური დანიშნულების ქყვედანაყოფებმა უმოწყალოდ დაარბიეს ანტი-სამთავრობო დემონსტრაცია თბილისში; გამოყენებული იყო ცრემლსადენი გაზი, რეზინის ტყვიები და წყლის ჭავლი, რამდენიმე წუთის შემდეგ,  რაც ვადა გაუვიდა საპროტესტო აქციის ჩატარების სანქციას.  დემონსტრანტებს უბრძანეს დაშლილიყვნენ შუაღამემდე, რათა ადგილი გაეთავისუფლებინათ მეორე დღისთვის დაგეგმილი სამხედრო აღლუმის ჩასატარებლად.  არსებობს ინფორმაცია, რომ დარბევის დროს, შესაძლოა,  დაიღუპა 4 ადამიანი და მძიმედ დაშავდა 37.  დიდია იმ ადამიანთა სია, რომლებიც დაკარგულად მიიჩნევიან; არსებობს აზრი, რომ ისინი დაკავებულები არიან პოლიციის მიერ.

WiPC  შეშფოთებულია იმ ფაქტით, რომ დარბევის დროს მძიმედ დაშავდა რამდენიმე ჟურნალისტი, მათ შორის,  თამაზ კუპრეიშვილი „ნეტგაზეთიდან“, დარეჯან პაატაშვილი „ინტერპრესნიუსიდან“, ნატო გოგელია „გურია ნიუსიდან“, ზაირა მიქატაძე გაზეთ „რეზონანსიდან“, დავით მჭედლიძე მედია.გე-დან, დიანა ხოფერია რადიო „ობიექტივიდან“, ბექა სივსივაძე და გიორგი მამაცაშვილი გაზეთ „ასავალ-დასავალიდან“.  პოლიციამ ასევე ვიდეოკამერები წაართვა ავთანდილ სურმავას „პალიტრა ტვ“-დან, თამაზ კუპრეიშვილს და ნესტან ცეცხლაძეს „ნეტგაზეთიდან“, რაც პირდაპირ მიანიშნებს მიზანდასახულ თავდასხმაზე იმ ჟურნალისტებზე, რომლებიც საპროტესტო აქციებს აშუქებდნენ.

გავრცელებულ განცხადებაში საქართველოს PEN-ცენტრი „გმობს და ღრმად შეშფოთებულია საქართველოს ხელისუფლების მხრიდან საკუთარი მოქალაქეების მიმართ მზარდი აგრესიის და მკაცრი ქმედებების გამო“, და რომ „მსგავსი ქმედებები სრულად ეწინააღმდეგება დამოუკიდებელი და დემოკრატიული სახელმწიფოს ფუნდამენტურ პრინციპებს, როგორიცაა ადამიანის სიცოცხლე, ღირსება და პატივისცემა“.

PEN-ცენტრი იმედოვნებს რომ 26 მასის მოვლენები გამოძიებული იქნება.

„ასევე მოვუწოდებთ საქართველოს ხელისუფლებას ითანამშრომლოს საკუთარ მოქალაქეებთან, რათა შესაძლებელი გახდეს დაკარგულების მოძებნა და დაკავებულების დახმარება.  ასეთი თანამშრომლობა მეტად მნიშვნელოვანია იმისათვის რომ დადგინდეს გარდაცვლილთა სიკვდილის ნამდვილი მიზეზები და რათა შეჩერდეს დევნის, დაშინების ფაქტები, რომლებსაც ხელისუფლება აგრძელებს.

საქართველოს PEN-ცენტრი ასევე იმედს გამოთქვამს, რომ 26 მაისის მოვლენები ახალი პროცესების კატალიზატორი გახდება", წერია საქართველოს PEN-ცენტრის განცხადებაში, რომელიც 26 მაისის შემდეგ  facebook-ით გავრცელდა.

მედია.გე

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC