20:31, Wednesday, 16.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

89 წლის მარტოხელა მოხუცს სოციალური დახმარება მოუხსნეს

07.09.2011
სოციალური მომსახურების სააგენტომ დუშეთის მუნიციპალიტეტის დაბა ჟინვალში მცხოვრებ 89 წლის მარია კარაკეტოვას სოციალური დახმარება მოუხსნა. კარაკეტოვა ოთხსართულიან საცხოვრებელ კორპუსში, ერთოთახიან ბინაში მარტო ცხოვრობს. მისი ერთადერთი შემოსავალი პენსიაა 87 ლარის ოდენობით.

„ერთი წელია, რაც დახმარება მომიხსნეს. მას შემდეგ დავდივარ და სამართალს ვეძებ. სოციალური დახმარება ჩემთვის დიდი შეღავათი იყო. ამდენი ხანია ვცდილობ, გავიგო, რატომ მომიხსნეს დახმარება, მაგრამ უშედეგოდ. არავინ პასუხს არ მცემს“, - ამბობს მარია კარაკეტოვა.

როგორც მცხეთა-მთიანეთის საინფორმაციო ცენტრს სოციალური მომსახურების სააგენტოს დუშეთის განყოფილების უფროსმა ვლადიმერ ჭონქაძემ განუცხადა, მარია კარაკეტოვას ქონებრივი მდგომარეობა ბოლოს 2011 წლის 18 აგვისტოს გადაამოწმეს. „ბოლო გადამოწმების შემდეგ კარაკეტოვას სარეიტინგო ქულა არის 62 660. ამ ქულით ის სოციალურ დახმარებას ვერ მიიღებს, მხოლოდ სადაზღვევო პოლისი ეკუთვნის“, - განაცხადა ჭონქაძემ.

სოციალური აგენტი იმედა არაბული, რომელმაც მარია კარაკეტოვას სოციალური ეკონომიკური პირობები შეამოწმა, აღნიშნავს, რომ კარაკეტოვა ღარიბი კი არა, ღატაკია.

„მე თვითონ ვიყავი ჟინვალში და კარაკეტოვას სოციალური მდგომარეობა პირადად გადავამოწმე. ღარიბი კი არ არის, ღატაკია. როგორც გაირკვა, თავის დროზე მან სოციალურ აგენტს ელექტროენერგიის ქვითრები ვერ წარუდგინა და შეცდომით უთხრა, რომ თვეში 5 ლარის ელექტროენერგიას მოიხმარდა. მაღალი სარეიტინგო ქულა ამის გამო მიიღო,“ - ამბობს სოციალური აგენტი.

სოციალური მომსახურების სააგენტოს ინფორმაციით, ამ ეტაპზე მათ არაფრის შეცვლა არ შეუძლიათ. განმეორებითი გადამოწმება ბოლო დეკლარაციის შევსებიდან ერთი წლის გასვლის შემდეგ არის შესაძლებელი.

მცხეთა-მთიანეთის საინფორმაციო ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC