07:45, Saturday, 11.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სკოლები პირველკლასელების გარეშე

09.09.2011

გელა მთივლიშვილი

დუშეთის რაიონის სოფლების შატილის, გუდრუხის, ყვავილის, ასევე ყაზბეგის რაიონის სოფელ ახალციხის საჯარო სკოლებში წელს პირველი კლასები არ გაიხსნება. დუშეთის საგანმანათლებლო რესურს-ცენტრის უფროსის თინა ბანცურის განცხადებით, ამ სოფლებში სასკოლო ასაკის არც ერთი ბავშვი არ არის.

მცხეთა-მთიანეთის საინფორმაციო ცენტრის ინფორმაციით, რეგიონში წელს პირველ კლასში 1015 მოსწავლე შედის. აქედან მცხეთის მუნიციპალიტეტში - 596, დუშეთის მუნიციპალიტეტში - 297, თიანეთის მუნიციპალიტეტში - 89, ხოლო ყაზბეგის მუნიციპალიტეტში - 33.

თიანეთის რაიონის სოფელ ჩეკურაანთგორის საჯარო სკოლის პირველ კლასში კი წელს მხოლოდ ერთი მოსწავლე იქნება.

„დუშეთის მუნიციპალიტეტის სოფელ ყვავილის დანიელ ჭონქაძის სახელობის 9-წლიანი საჯარო სკოლა ახალ სასწავლო წელს 12 მოსწავლით და 11 მასწავლებლით ხვდება. სკოლაში, სადაც ბავშვები სამი სოფლიდან - ყვავილიდან, მეზვრიანთკარიდან და თანიანთკარიდან დადიან, წელს პირველი კლასი არ გაიხსნება. მოსწავლეები არც მეორე, მესამე და მეშვიდე კლასში ჰყავთ. მეოთხე, მეხუთე, მეექვსე და მერვე კლასში კი თითო-თითო ბავშვია. ყველაზე მეტი მოსწავლე - 4 ბავშვი, მეცხრე კლასში ირიცხება“, - იუწყება მცხეთა - მთიანეთის საინფორმაციო ცენტრი.

ყვავილის საჯარო სკოლაში შედის ვეძათხევის დაწყებითი სკოლაც, სადაც ამ დროისთვის 4 მოსწავლეა.

მეზვრიანთკარსა და თანიანთკარში მცხოვრებ ბავშვებს სახლიდან სკოლამდე და შემდეგ სკოლიდან სახლამდე მისასვლელად ფეხით დღეში რამდენიმე კილომეტრის გავლა უწევთ.

ყვავილის სკოლა მე-20 საუკუნის 70-იან წლებშია აშენებული. შენობა რეაბილიტაციას საჭიროებს. სკოლაში ორი კომპიუტერია, ინტერნეტში არცერთი არ არის ჩართული. უცხო ენებიდან მხოლოდ ფრანგულს და რუსულს ასწავლიან. სკოლაში ინგლისური ენის მასწავლებელი არ ჰყავთ.

„სკოლაში ინგლისურის გარდა ყველა საგნის მასწავლებელი გვყავს. იმის გამო, რომ ინგლისურის საათები ცოტაა, სოფლამდე სავალი გზა კი შორი, მუშაობაზე ვერავის ვითანხმებთ,“ - აღნიშნა დანიელ ჭონქაძის სახელობის ყვავილის საჯარო სკოლის დირექტორმა ირაკლი ჭონქაძემ.

ყვავილის მაცხოვრებლების თქმით, ყვავილის სკოლაში მოსწავლეთა კონტიგენტის სიმცირის მთავარი მიზეზი უმუშევრობაა - მოსახლეობამ სოფელი სამუშაოს არქონის გამო მიატოვა.

„სოფელი სულ რომ არ დაიცალოს ხალხისგან, გადარჩენის ერთადერთი გზა სკოლაა“, - ამბობს ხელოვნებათმცოდნეობის მასწავლებელი ნაირა სუჯაშვილი.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მომზადებული შეხვდა თუ არა ქვეყანა საგანგებო მდგომარეობის გამოცხადებას?
დიახ არა ნაწილობრივ

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC