19:47, Wednesday, 16.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

წინასაარჩევნო შვებულება

09.09.2011
თელავის მუნიციპალიტეტის გამგეობის 54 თანამშრომელი შვებულებაში გავიდა. შვებულებაში გასული საჯარო მოსამსახურეების უმრავლესობა „ნაციონალური მოძრაობის“ მაჟორიტარი დეპუტატობის კანდიდატის ვასილ დავითაშვილის წინასაარჩევნო კამპანიაშია ჩართული. საარჩევნო შტაბს კონტროლის პალატის ადმინისტრაციული დეპარტამენტის უფროსი გიორგი ბოტკოველი ხელმძღვანელობს.

კახეთის საინფორმაციო ცენტრი აქვეყნებს 54 თანამშრომლის სიას, რომლებიც წინასაარჩევნოდ შვებულებაში გავიდნენ და პირდაპირ საარჩევნო ციებ-ცხელებაში ჩაერთვნენ. მათგან 36 საჯარო მოსამსახურე კუთვნილ, ანაზღაურებად შვებულებაშია გასული, ხოლო 18 მოხელე უხელფასო შვებულებით სარგებლობს.

წინასაარჩევნოდ შვებულებაში ასევე გავიდნენ კახეთის გუბერნატორის ადმინისტრაციის თანამშრომლებიც. რუსლან ჯანხოთელი - ზედამხედველობის სამსახურის მთავარი სპეციალისტის მოვალეობის შემსრულებელი; ერეკლე ამბარდანიშვილი - მთავარი სპეციალისტი; ხათუნა გულიაშვილი - ადმინისტრაციული სამსახურის მთავარი სპეციალისტის მოვალეობის შემსრულებელი; ლეილა ლეგაშვილი - ადგილობრივი თვითმმართველობისა და სახელმწიფო ორგანოებთან ურთიერთობის სამსახურის უფროსი სპეციალისტის მოვალეობის შემსრულებელი; ოთარ ჯაფოშვილი - საგანგებო სიტუაციების მართვის სამსახურის უფროსი სპეციალისტის მოვალეობის შემსრულებელი.

შვებულებაში გავიდნენ თელავის მუნიციპალიტეტის საკრებულოს თავმჯდომარის მოადგილე ზურაბ ბუცხრიკიძე და საკრებულოს აპარატის მოქალაქეთა მომსახურებისა და საქმის წარმოების განყოფილების სპეციალისტი მარინა ჯუგაშვილიც.

საარჩევნო კოდექსი საჯარო მოხელეებს წინასაარჩევნო აგიტაციას არ უკრძალავს, გარდა იმ შემთხვევისა, როცა ისინი უშუალოდ სამსახურებრივ ფუნქციებს ასრულებენ. „უშუალოს“ განმარტება კოდექსში მოცემული არ არის, რის გამოც აღნიშნული საკითხი ხელისუფლებასა და არასამთავრობოებს შორის კამათის საგანი არაერთხელ გამხდარა.

იურისტების განმარტებით, სწორედ იმ მიზეზით, რომ არასამთავრობოებს ხელისუფლება წინასაარჩევნო კამპანიის მიზნებისთვის ადმინისტრაციული რესურსების გამოყენებაში არ დაედანაშაულებინათ, კანდიდატის დასახელების შემდეგ საჯარო მოხელეები შვებულებაში მასობრივად გავიდნენ.

კახეთის საინფორმაციო ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC