05:34, Thursday, 17.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

„ნეთბუქები“ მოსწავლეებს გარკვეული პირობებით აჩუქეს

16.09.2011
პირველკლასელებისთვის ნეთბუქების დარიგებასთან ერთად მათ მშობლებს სპეციალური ხელშეკრულების ხელმოწერას სთხოვენ, რომელშიც ამ კომპიუტერების მოხმარების პირობებია განსაზღვრული. ამის შესახებ „კომერსანტს“ თბილისის რამდენიმე სკოლის პირველი კლასის მოსწავლის მშობლებმა აცნობეს.

მათი ინფორმაციით, ხელშეკრულების მიხედვით, ბავშვებს კომპიუტერი 4-წლიან მფლობელობაში გადაეცემათ. დაზიანების შემთხვევაში სახელმწიფო მისი შეკეთების ვალდებულებას არ იღებს, მშობლებს კი 450 ლარის გადახდა მოუწევთ.

პირველკლასელებს ასევე ექნებათ ვალდებულება, „ნეთბუქები“ ყოველდღიურად ატარონ.

განათლების სამინისტროს პრეს-სამსახურის წარმომადგენელი ლალი როზომაშვილი კატეგორიულად უარყოფს მსგავსი პირობების არსებობას და აცხადებს, რომ „ნეთბუქის“ დაზიანების შემთხვევაში მას მწარმოებელი კომპანია სახელმწიფოს დაკვეთით უსასყიდლოდ შეაკეთებს.„ეს საჩუქარია და როგორ შეიძლება საჩუქრის დაზიანების გამო ვინმეს ჯარიმა დაეკისროს?“ - ამბობს როზომაშვილი.

24-ე საშუალო სკოლის დირექტორის გია მურღულიას განმარტებით, ხელშეკრულებები მშობლებთან მართლაც იდება, თუმცა მათში საუბარია არა ჯარიმაზე, არამედ კომპიუტერის ღირებულებაზე, რომელიც 450 ლარს შეადგენს.

შესაბამისად, მისი დაზიანების შემთხვევაში მშობელმა ახალი ნეთბუქის შესაძენად სწორედ ეს თანხა უნდა გადაიხადოს. სხვა დაზიანების აღმოფხვრაც მას საკუთარი ხარჯებით მოუწევს.

„სახელმწიფოს ეს პროგრამა ისედაც დიდი თანხები დაუჯდა, რაც გამართლებულია. მაგრამ მოსწავლემ უნდა იცოდეს, რომ კომპიუტერს უნდა მოუფრთხილდეს და არ დააზიანოს. გამორიცხულია, ეს ისევ სახელმწიფომ გააკეთოს. ცხადია, აქ არ იგულისხმება შემთხვევები, როდესაც საქმე ქარხნულ წუნთან გვაქვს,“ - აცხადებს მურღულია.მისი თქმით, ნეთბუქები მოსწავლეს არა დროებით, არამედ საჩუქრად გადაეცემათ. ის მას მხოლოდ იმ შემთხვევაში ჩამოერთმევა, თუ სამი წლის განმავლობაში საჯარო სკოლიდან კერძო სკოლაში გადავა, სადაც ასეთი პროგრამა არ მუშაობს.

კომერსანტი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC