საქართველოს ადვოკატთა ასოციაცია ადვოკატთა კორპუსის ინსტიტუციონალური დევნის გამო, ფართომასშტაბიანი აქციების დაწყებას გეგმავს. განცხადება ამის შესახებ საქართველოს ადვოკატთა ასოციაციის თავმჯდომარე ზაზა ხატიაშვილმა დღევანდელ ბრიფინგზე გააკეთა.
ხატიაშვილის განცხადებით, 16 სექტემბერს გაიმართა ადვოკატთა უფლებების დაცვის კომისიის საგანგებო სხდომა, რომელზეც განიხილეს ადვოკატ ტარიელ მურმანაშვილის უკანონო დაპატიმრებასთან დაკავშირებული საკითხები. როგორც ხატიაშვილმა განაცხადა, ტარიელ მურმანაშვილს დევნიან თავისი პროფესიული მოვალეობის სრულყოფილად შესრულებისათვის, ანუ მოგებული საქმისთვის.
ადვოკატთა ასოციაციის თავმჯდომარის თქმით, ადვოკატთა კორპუსის დევნა უპრეცენდენტო მასშტაბებს იღებს, მიუხედავად საერთაშორისო ორგანიზაციების მხარდაჭერისა, გრძელდება ადვოკატთა ტერორი, ირღვევა როგორც ადვოკატების, ასევე მათი დაცვის ქვეშ მყოფი მოქალაქეების უფლება.
ზაზა ხატიაშვილის ინფორმაციით, ადვოკატები აქციას 26 სექტემბერს, 17:00 საათზე, საქალაქო სასამართლოსთან გამართავენ.
ინტერპრესნიუსი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
