16 ნოემბერს ჰაინრიჰ ბიოლის ფონდის სამხრეთ კავკასიის რეგიონალურ ოფისში გაიმართა დისკუსია თემაზე: „მართლმსაჯულების განხორციელება და ადამიანის უფლებათა დაცვა საქართველოს მართლმსაჯულების სისტემაში“.
ძირითადი მომხსენებლები იყვნენ საქართველოს სახალხო დამცველი, გიორგი ტუღუში, ადამიანის უფლებათა ცენტრის აღმასრულებელი დირექტორი უჩა ნანუაშვილი; საქართველოს ახალგაზრდა იურისტთა ასოციაცია თამუნა გვარამაძე, პროექტის კოორდინატორი; საზოგადოებრივი დამცველის აღმასრულებელი დირექტორი მანანა კობახიძე.
ძირითადი აქცენტი, 2011 წელს სასამართლოში უხეშ დარღვევებზე გაკეთდა.
„საჭიროა სამართლიანი სასამართლო, რათა მისადმი ნდობა დაუბრუნდეს ხალხს. სასამართლოს რეფორმები არის შესაცვლელი“, - აღნიშნა სახალხო დამცველმა გიორგი ტუღუშმა.
საქართველოს ახალგაზრდა იურისტთა ასოციაციის წარმომადგენელმა თამუნა გვარამაძემ საერთო სასამართლოების არაპროპორციულ სასჯელებზე ისაუბრა.
საზოგადოებრივი დამცველის აღმასრულებელმა დირექტორმა, მანანა კობახიძემ საკმაოდ ბევრი და შემაშფოთებელი შემთხევები უამბო საზოგადოებას.
ადამიანის უფლებათა ცენტრის აღმასრულელმა დირექტორმა, უჩა ნანუაშვილმა ყურადღება გაამახვილა ადამიანის უფლებათა დაცვის სფეროში ევროკავშირის კომისრის, თომას ჰამარბერგის ანგარიშზე საქართველოში ადამიანის უფლებების მდგომარეობის შესახებ. უჩა ნანუაშვილის თქმით, ჰამარბერგი თავისი პრინციპული პოზიციების გამო საქართველოს ხელისუფლებამ „პერსონა ნონ გრატად“ გამოაცხადა.
მომხსენებელთა სიტყვით გამოსვლის შემდეგ გაიმართა დისკუსია.
მარიამ ხურციძე
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
