19:21, Monday, 14.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ადვოკატი ჟურნალისტ ლალი მოროშკინას 15-დღიან პატიმრობას გაასაჩივრებს

12.12.2011
ჟურნალისტ ლალი მოროშკინას ადვოკატი ირაკლი კაპანაძე გაასაჩივრებს თბილისის საქალაქო სასამართლოს გადაწყვეტილებას მისი დაცვის ქვეშ მყოფი პირისთვის 15-დღიანი ადმინისტრაციული პატიმრობის შეფარდების თაობაზე.

„ლალის ამ დრომდე სამართალდამცველ სტრუქტურებთან შეხება არ ჰქონია. გარდა ამისა, ის საზოგადოების აქტიური წევრია. ყოველივე აღნიშნულიდან გამომდინარე, მივიჩნევთ, რომ ის ადმინისტრაციული სახდელი, რომელიც მოსამართლემ ლალის წინააღმდეგ გამოიყენა, არაადეკვატურია, რადგან საუბარია მხოლოდ ფიზიკურ და სიტყვიერ შეურაცხყოფაზე, რასაც ჩვენ ვაღიარებთ და არანაირი ჩანგალი, რომელზეც თაკო ფხაკაძე აცხადებს, საქმეში არ ფიგურირებს. ლალის რეაქცია კი ძლიერი აღელვებით იყო გამოწვეული. სწორედ ამას ვწერთ ჩვენს საჩივარშიც“,- განუცხადა „პირველს“ ადვოკატმა.

მისივე თქმით, სარჩელზე მუშაობა უკვე დასრულებულია, მოროშკინა  მას ხელს მოაწერს.

რაც შეეხება მოროშკინას შიმშილობას, როგორც ადვოკატი აცხადებს, აღნიშნულის მოტივაციასთან დაკავშირებით სხვადასხვა არასწორი ინფორმაციები გავრცელდა: „მოროშკინას შიმშილობა მოსამართლის გადაწყვეტილებას არ ეხება. ის ამ ფორმით მხოლოდ თაკო ფხაკაძისა და ნანუკა ჟორჟოლიანის ქცევას აპროტესტებს, მიაჩნია, რომ ყოველივე, რაც მოხდა, წინასწარ იყო დაგეგმილი, რათა მისთვის შეურაცხყოფა მიეყენებინათ და მას არაკოლეგიალურად მოჰქცეოდნენ“.

შეგახსენებთ, რომ სამართალდამცველებმა ლალი მოროშკინა 10 დეკემბერს დილით საკუთარ სახლში აიყვანეს. პროკურატურამ მას ბრალი წვრილმან ხულიგნობაში დასდო, მოსამართლე კობა გოცირიძემ კი 15-დღიანი ადმინისტრაციული პატიმრობა შეუფარდა.

მოროშკინას წინააღმდეგ საქმე დაზარალებულად ცნობილი თაკო ფხაკაძის განცხადების საფუძველზე აღიძრა. ამავე დროს, ლალი მოროშკინამ ტელეკომპანია „კავკასიის“ ეთერში განაცხადა, რომ „ნანუკას შოუს“ ჩაწერაზე მან „პრაიმ-თაიმის“ დამფუძნებელი თაკო  ფხაკაძე სცემა.

მისი თქმით, ტელეკომპანია "იმედის" გადაცემა "ნანუკას შოუდან" მიწვევა სამი დღის წინ მიიღო: „არ მგონია, რომ კოდუების დაფინანსებულ გადაცემაში იყოს ჩემი ადგილი, თუმცა მიწვევა მივიღე, როგორც ჟურნალისტს, დამაინტერესა. როცა ჩაწერაზე მივედი, „პრაიმ ტაიმის“ ხალიჩა დავინახე და მივხვდი, რომ „ნანუკა ჟორჟოლიანის შოუს“ დახმარებით ფხაკაძე პროვოკაციას  მიწყობდა“.

მისივე თქმით, საახალწლო გადაცემის ჩაწერაზე მიწვეული სტუმრები  სხვადასხვა ნომინაციის მიხედვით ჯილდოვდებოდნენ, „გადაცემა სავსე იყო პოზიტივით“, თავად მოროშკინა კი  დაასახელეს ნომინაციაში „ყველაზე უგემოვნებოები“.

„ჯილდოს ასაღებად როცა მივდიოდი, თაკო ფხაკაძემ დამცინავად ჩაიცინა. თუმცა, ავიღე ეს ჯილდო. ყველას ლამაზ თოჯინებს ურიგებდნენ, მე კი - შავი, სათვალინია თოჯინა მომცეს. ესეც ავიტანე და ნანუკას ვთხოვე, რომ სიტყვის უფლება მოეცა. ვთქვი, რომ ალბათ თაკო ფხაკაძე ვერ შედგა, როგორც ჟურნალისტი, როგორც ქალი, როგორც პიროვნება და შურს ყველა ქალის, რომელიც თავისით იკვალავს გზას და არა გიგი უგულავას დახმარებით. მომიტივეთ, სხვა გზა არ მქონდა, როცა დავბრუნდი ჩემს ადგილზე და ყურში ჩამესმა თაკოს ქირქილი. მაპატიოს საზოგადოებამ, ეხლავე მივმართავ საზოგადოებას და სამართალდამცველ ორგანოებს - მე ვცემე თაკო ფხაკაძე", - განაცხადა მოროშკინამ და დასძინა, რომ დავა სავარაუდოდ, სასამართლოში გაგრძელდება.

ამ განცხადების შემდეგ სამართალდამცველებმა ლალი მოროშკინა დააკავეს. ამჟამად ბრალდებული „მოდულის“ წინასწარი დაკავების იზოლატორშია მოთავსებული.

საინფორმაციო სააგენტო „პირველი“

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC