05:02, Tuesday, 02.09.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ელისო ჩაფიძე - პოლიტიკაში წასვლა ხელისუფლებამ მაიძულა

15.02.2012

ქეთი გიგოლაშვილი, მცხეთა-მთიანეთის საინფორმაციო ცენტრი

გაზეთ „რეზონანსის“ მთავარი რედაქტორის მოადგილე, ჟურნალისტი ელისო ჩაფიძე ბიძინა ივანიშვილის პარტიის საინიციატივო ჯგუფის წევრი გახდა. მისი თქმით, ჟურნალისტიკიდან პოლიტიკაში წასვლა მას ხელისუფლებამ აიძულა.

ბიძინა ივანიშვილის პარტიის საინიციატივო ჯგუფის პრეზენტაცია დღეს, 12:00 საათზე გაიმართება. საინიციატივო ჯგუფი დაახლოებით 20 ადამიანისგან შედგება და მას თავად ბიძინა ივანიშვილი წარადგენს. მედიაში გავრცელებული ინფორმაციით, მათ შორის არიან ექსპერტები გიორგი ვოლსკი, ნოდარ ხადური და თედო ჯაფარიძე, მსახიობი ნინელი ჭანკვეტაძე, მათემატიკოსი ივანე კიღურაძე, ფეხბურთელი კახი კალაძე, უფლებადამცველები მანანა კობახიძე და სოზარ სუბარი, გარდაცვლილი პრემიერ-მინისტრის ზურაბ ჟვანიას ძმა, გოგლა ჟვანია და ჟურნალისტი ელისო ჩაფიძე.

გთავაზობთ ინტერვიუს ელისო ჩაფიძესთან:

- ბიძინა ივანიშვილისგან კონკრეტულად რა ტიპის თანამშრომლობის შემოთავაზება მიიღეთ?

- ბიძინა ივანიშვილი ქმნის პოლიტიკურ პარტიას და მე ამ პარტიის ერთ-ერთი სახე ვიქნები.

- ერთ - ერთი საინფორმაციო საშუალებისთვის მიცემულ კომენტარში თქვენ აღნიშნეთ, რომ ბიძინა ივანიშვილთან ხანგრძლივი საუბარი გქონდათ. რა საკითხებზე ისაუბრეთ?

- საკმაოდ სერიოზული და ხანგრძლივი საუბარი მქონდა ბიძინა ივანიშვილთან. ვიცი, რომ ის ქვეყანაში პროდასავლური პოლიტიკის გატარებას აპირებს და არ შეიცვლება ის გაცხადებული კურსი, რასაც ევროკავშირისა და ნატოსკენ სწრაფვა ჰქვია. ჩემთვის ძალიან მნიშვნელოვანია ჯანდაცვის, სოციალური და მედიის თავისუფლების საკითხები. ამ თემებზეც ვისაუბრეთ და მოსაზრებების აბსოლუტური თანხვედრა გვქონდა. მე თუ ბიზნესის განვითარებასთან დაკავშირებით მაქვს კეთილი სურვილები და არვიცი კონკრეტულად როგორ და რა უნდა გაკეთდეს, ამ ადამიანმა იცის ბიზნესის კეთება და ეს დანაკლისი შემივსო. მან იცის, როგორ უნდა გააკეთოს ბიზნესი და როგორ უნდა გამოასწოროს როგორც თავისი, ასევე სხვა ადამიანების მდგომარეობა. ვიცი, როგორ აპირებს ქართული ეკონომიკის გაჯანსაღებას და ზოგადად, ქვეყანაში ეკონომიკური ვითარების გაუმჯობესებას. მისი ეს პოზიცია ჩემთვის აბსოლუტურად მისაღები და დამაჯერებელი იყო.

- საზოგადოებისთვის უკვე ცნობილია პარტიის რამდენიმე წევრის ვინაობა. რამდენად მისაღებია თქვენთვის ამ ადამიანებთან თანამშრომლობა?

- ამ ადამიანებს შორის ჯერჯერობით არ არის ისეთი პიროვნება, რომელიც ჩემთვის ან საზოგადოებისთვის რაიმე თვალსაზრისით მიუღებელი იქნება. თუ ბიძინა ივანიშვილის პარტიის საინიციატივო ჯგუფში ჩემთვის მიუღებელი ადამიანი იქნება, ბუნებრივია, ამის შესახებ ღიად ვიტყვი.

- რატომ გადაწყვიტეთ ჟურნალისტიკიდან წასვლა?

- დღეს გაირკვევა ყველაფერი და დეტალებზე ვისაუბრებ. თუმცა, შემიძლია გითხრათ, რომ ამ გადაწყვეტილების მიღებაში დიდი წვლილი ხელისუფლებას მიუძღვის. ფაქტობრივად, ბოლო ერთი წლის განმავლობაში ჟურნალისტად აღარ ვმუშაობდი. იმის მაგივრად, რომ სტატიები მეწერა, საპროტესტო აქციებზე ვიდექი. ამ ნაბიჯის გადადგმა ნამდვილად არ მინდოდა, მაგრამ ხელისუფლებამ მაიძულა.

- წყვეტთ  გაზეთ „რეზონანსთან“ თანამშრომლობას?

- რა თქმა უნდა, გაზეთთან რედაქტორის სტატუსით ვეღარ ვითანამშრომლებ. თუმცა, ყოველთვის ვიქნები გაზეთ „რეზონანსის“ ერთგული. ვაპირებ, რომ მომავალში ჩემი მოსაზრებები მხოლოდ გაზეთ „რეზონანსს“ მივაწოდო.

- ბიძინა ივანიშვილის პარტიას დაქვემდებარებულ რომელიმე მედიასაშუალებაში ხომ არ გიხილავთ?

- არა, ჩვენ ამაზე არ ვსაუბრობთ! მე თუ მივდივარ, მივდივარ ჟურნალისტიკიდან! მიუხედავად იმისა, რომ ჟურნალისტიკა ჩემთვის  ძალიან საყვარელი პროფესიაა, ორ სკამზე ერთდროულად ჯდომა არ შემიძლია. ადამიანმა რაღაც ერთი კონკრეტული საქმე უნდა აკეთოს. 18 წელი ვიყავი ჟურნალისტიკაში. ახლა თქვენ გისურვებთ წარმატებას.

Print Send to Friend Send to Facebook Tweet This
სახელი: Iqbal
2012-02-28 08:58
Chris, truly ititresenng questions that are answered by providing Empowerment: Authority, goals and means!1) Who owns it?One answer: the process owner in business has the authority.2) Where to begin?See above. Give the PO a set of process goals. 3) What technology is appropriate?Technology that enables the process owner provides the means (as does the budget to hire and train the right people and skills).Good governance means empowerment in process capture and execution which must be one and the same thing. Central authorities and methdologies try to solve bureaucracy with more bureaucracy and hardcoded processes. The PO and his team must be able to create and adapt process execution at will. Goals and targets ensure that the business objectives are fulfilled. Using empowerment all the other risks of process management are substantially reduced.
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
როგორ აფასებთ თბილისის ყოფილი მერის, გიგი უგულავას დაკავებას?
დააკავეს რეალური დანაშაულისათვის, საპროცესო ნორმების დაცვით დააკავეს რელური დანაშაულისათვის, მაგრამ საპროცესო ნორმების დარღვევით დააკავეს არარეალური ბრალდებით, პოლიტიკური მოტივებით მიჭირს პასუხის გაცემა

ბლოგი

მოჩვენებითი მშვიდობა ბალკანეთში
ხანგრძლივი და რთული მოსამზადებელი პერიოდის, წვალების შემდეგ 30 ივლისს სარაევოში ჩავფრინდით. ცუდი მეტეოპირობების გამო, დაფრენის დროს განცდილი დიდი შიშის მიუხედავად, თვითმფრინავის ილუმინატორიდან სარაევოს
ვრცლად...
მშიერი კომისიის წევრები და გაბრაზებული თავმჯდომარეები ბათუმში
ბეჭედი ნაკვეთურის გარეშე და ორსახელიანი ამომრჩეველი გურიაში
არქივი
    

რედაქტორის აზრი

რა დაემართა სამართლიანობის აღდგენის ოცნებას
„მართლმსაჯულების ხარვეზები“ - რბილად ასე ვუწოდებთ იმ სისტემურ პრობლემებს, რაც ქართულ მართლმსაჯულებას ექს-პრეზიდენტ მიხეილ სააკაშვილის მმართველობის წლებში ახასიათებდა. 
ვრცლად...
პატიმართა მასობრივი პროტესტის მიზეზები
შემოდგომის ბუზი
არქივი
თემები
კატეგორიები

Copyright © 2004 - 2014 HRIDC