11:59, Wednesday, 12.08.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

პავლე კუბლაშვილი კონტროლის პალატის აქტიურობას ვენეციის კომისიის რეკომენდაციას უკავშირებს

16.03.2012
იურიდიულ საკითხთა საპარლამენტო კომიტეტის თავმჯდომარე პავლე კუბლაშვილის მტკიცებით, კონტროლის პალატის აქტიურობა ვენეციის კომისიის რეკომენდაციაა.

პავლე კუბლაშვილმა ჟურნალისტებთან საუბრისას კონტროლის პალატის მიერ რეგიონებში მოსახლეობის „დაკითხვა-ჩხრეკის“ შესახებ ინფორმაციას უტრირებული უწოდა და განაცხადა, რომ არ ესმის, რაში უნდა აწყობდეს არასამთავრობო ორგანიზაციას მსგავსი განცხადებების გაკეთება, თუ ის რომელიმე პოლიტიკური ძალის ინტერესებს არ უკავშირდება.

რაც შეეხება კონტროლის პალატის მიერ მიმდინარე ღონისძიებებს, კუბლაშვილი ამბობს, რომ არის ინფორმაცია „ქართული ოცნების“ ფინანსების გაუმჭვირვალობის შესახებ და კონტროლის პალატა ამ ინფორმაციას კონკრეტულ პირებთან აზუსტებს. მისი თქმით, ინფორმაციის დაზუსტება ხდება იმ პირებთან, ვინც ოფისი მიაქირავა „ქართულ ოცნებას“, ვინც ამ შენობით სარგებლობს, ვის სასარგებლოდაც გაიწია ხარჯი და ა.შ.

ასევე, დეპუტატის ინფორმაციით, არის შემთხვევები, როდესაც არა პარტია, არამედ რომელიღაც სხვა იურიდიული პირი იხდის თანხას ამ მომსახურებაში, რაც კანონდარღვევაა. კუბლაშვილის მტკიცებითვე, კონტროლის პალატის მიერ ინფორმაციის გადაზუსტების პროცესს არც შინაგან საქმეთა სამინისტროს და არც პროკურატურის წარმომადგენლები არ ესწრებიან.

„პროცესში მხოლოდ კონტროლის პალატა მონაწილეობს. ეს არ არის სისხლის სამართლებრივი პროცედურა, არამედ კონტროლის პალატა იმ პირველწყაროებიდან იღებს ინფორმაციას, რომლის საქმიანობაც შეიძლება უკავშირდებოდეს ამა თუ იმ შემთხვევაში არაგამჭვირვალე ხარჯებს“, - განაცხადა კუბლაშვილმა.

მისივე თქმით, კონტროლის პალატა უფლებამოსილია გამოითხოვოს ინფორმაცია, თუმცა, ეს ფორმალური პროცესი არ უნდა იყოს და კონტროლის პალატა არ უნდა დაკმაყოფილდეს იმით, რომ ვიღაც გაუმჭვირვალე ხარჯების არსებობას უარყოფს.

„ვიღაცამ რომ თქვას, არა აქვს ხარჯი, ეს კონტროლის პალატამ ფაქტად არ უნდა მიიღოს. კონტროლის პალატა რომ აქტიური უნდა იყოს, ეს ვენეციის კომისიისა და ევროსაბჭოს ერთ-ერთი რეკომენდაციაა“, – განაცხადა პავლე კუბლაშვილმა.

ინტერპრესნიუსი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

მორიგების მორიგი შეთავაზება
საზოგადოება ინფორმირებულია, რომ 2017 წლის დეკემბრიდან ქალაქ თბილისის მერიისა და წყლის გამანაწილებელი კომპანიის - GWP-ს წინააღმდეგ სასამართლოში შეტანილი მაქვს სარჩელი, რომლითაც მოვითხოვ თბილისის
ვრცლად...
ძალადობის მსხვერპლი ქალები
ცხოვრება ეჭვისა და უნდობლობის სამყაროში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC