პორტალი ადამიანის უფლებების შესახებ

კახეთში, სოფელ მელაანის საჯარო სკოლაში საქართველოს პრეზიდენტის ვიზიტის დროს, პოლიციელების მიერ გატაცებული პედაგოგი ლამზირა ყორჩიშვილი, პროტესტის ნიშნად, პროკურატურასთან თვითმკვლელობით იმუქრება. საქმის გამოძიების თხოვნით ლამზირა ყორჩიშვილმა პროკურატურას არაერთხელ მიმართა, მაგრამ უშედეგოდ.

კახეთის საინფორმაციო ცენტრმა 2011 წლის 1-ელ ოქტომბერს გაავრცელა ვიდეომასალა, სადაც გურჯაანის რაიონის სოფელ ჩალაუბნის საჯარო სკოლის ყოფილი პედაგოგი ლამზირა ყორჩიშვილი აღწერს, როგორ გაიტაცეს და ცემეს ის 26 სექტემბერს, მელაანში, პრეზიდენტის ვიზიტის დროს.

ინტერვიუს ჩაწერის დროს ლამზირა ყორჩიშვილს სხეულზე სხვადასხვა დაზიანებები აღენიშნებოდა. ექიმის დასკვნით, თავის ტვინის შერყევის გამო, მას წოლითი რეჟიმი ჰქონდა დანიშნული. უფულობის გამო ის მკურნალობას სახლში გადიოდა.