10:48, Tuesday, 31.05.2016
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ადამიანის უფლებათა ევროპული სასამართლოს მომავალი ბრაიტონის კონფერენციაზე გადაწყდება

17.04.2012

„ადამიანის უფლებათა პრიორიტეტი“ ეხმაურება „ამნესტი ინტერნეშენალ“-ის მიმართვას ევროსასამართლოს რეფორმასთან დაკავშირებით

ამჟამად სტრასბურგში აქტიურად მიმდინარეობს მოლაპარაკებები ბრაიტონის დეკლარაციის სამუშაო ვერსიაზე, რომელიც ადამიანის უფლებათა ევროპული სასამართლოს მომავალს განსაზღვრავს. საკითხი შეეხება ევროსასამართლოს რეფორმას, რათა დაჩქარდეს კონკრეტულ საქმეთა გადაწყვეტა და ჯეროვნად მოხდეს მიღებული გადაწყვეტილებების აღსრულება. დეკლარაციის მიღება მოხდება 18-20 აპრილს დაგეგმილ კოფერენციაზე.

ადამიანის უფლებათა დაცვის სისტემის ქმედუნარიანობისათვის აუცილებელია სასამართლო გადაწყვეტილებების შესაბამისი აღსრულება და კონვენციის ადგილობრივ, ეროვნულ დონეზე ეფექტური დანერგვა. ბრაიტონის მოლაპარაკებების დროს ამ კუთხით გაკეთებული მთელი რიგი შემოთავაზებები მოსაწონი და მხარდასაჭერია.

თუმცა, რამდენიმე შემოთავაზება სერიოზულ ზიანს მიაყენებს სასამართლოს უფლებამოსილებას და მის უნარს, უზრუნველყოს ადამიანის უფლებათა ქმედითი დაცვა.

ესენია:

• დამატებითი დასაშვებობის მოთხოვნების შემოღება ისეთი ტიპის საქმეებზე, რომელთა შემთხვევაშიც ეროვნული სასამართლოები ითვალისწინებენ ადამიანის უფლებათა დაცვის კონვენციით გაცხადებულ უფლებებს. დამატებითი დასაშვებობის კრიტერიუმები ცალსახად ზღუდავს სასამართლოს იურისდიქციას.

• გარკვეული სამართლებრივი განმარტების პრინციპების კოდიფიცირების საკითხი, როგორიცაა სასამართლოს მიხედულების თავისუფლების ზღვარი და სუბსიდიარობის პრინციპი. ეს ცვლილებები რისკის ქვეშ აყენებს სასამართლოს როლს, როგორც ადამიანის ძირითად უფლებათა და თავისუფლებათა ეფექტური დამცველისა. კერძოდ შეხედულების თავისუფლების დოქტრინა სხვა სამართლებრივი განმარტების მნიშვნელოვან პრინციპებთან ერთად განავითარა სასამართლომ და მათი არსებობა აუცილებელია, რათა სასამართლოს შეეძლოს ცვალებად გარემოებებთან და სოციალურ ცვლილებებთან ადაპტირება.

არასამთავრობო უფლებადამცველი ორგანიზაცია „ადამიანის უფლებათა პრიორიტეტი“ სხვა საერთაშორისო არასამთავრობო ორგანიზაციებთან ერთად უერთდება “ამნესტი ინტერნეშენალ“-ის მიმართვას და მოუწოდებს სამოქალაქო საზოგადოებას, არასამთავრობო ორგანიზაციებსა და სხვა დაინტერესებულ მხარეებს, დაიცვან ევროპული სასამართლოს უფლებამოსილება და მთლიანობა, და შეუერთდნენ საპროტესტო განაცხადს, რათა სასამართლო დარჩეს ხელმისაწვდომი უფლებადარღვეული ყველა ადამიანისათვის. საპროტესტო მიმართვა უნდა გაეგზავნოს მთავრობებს, მათ შორის - საქართველოს მთავრობას, რომ ევროსაბჭოს საპარლამენტო ასამბლეაზე მიღებული გადაწყვეტილება, რომელიც ევროსასამართლოს რეფორმას შეეხება, არ იქცეს დამატებით ბარიერად სასამართლოს მისაწვდომობის თვალსაზრისით და სასამართლო კვლავინდებურად დარჩეს დარღვეულ უფლებათა დაცვის ქმედით საშუალებად.

დამატებითი ინფორმაცია იხილეთ
ორგანიზაციის “ადამიანის უფლებათა პრიორიტეტი“ Facebook გვერდზე - https://www.facebook.com/HumanRightsPriority

P.S. ადამიანის უფლებათა ცენტრი უერთდება „ადამიანის უფლებათა პრიორიტეტის“ მიმართვას და იზიარებს წინამდებარე დოკუმენტში გამოთქმულ მოსაზრებებს.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
გიორგი კვირიკაშვილის პრემიერ-მინისტრად დანიშვნამ რა გავლენა იქონია ადამიანის უფლებების მდგომარეობაზე?
გაუმჯობესდა გაუარესდა არაფერი შეცვლილა მიჭირს პასუხის გაცემა

ბლოგი

კუდები გვაკვირვებს
ბოლო დღეების განმავლობაში საზოგადოებისთვის თვალშისაცემია კამპანია „ეს შენ გეხებას“ გააქტიურება. კამპანიის ცნობილ მარკაზე გაჩნდა ახალი წარწერა - „ისევ გვისმენენ - ისევ გვითვალთვალებენ“. ეს
ვრცლად...
მოჩვენებითი მშვიდობა ბალკანეთში
მშიერი კომისიის წევრები და გაბრაზებული თავმჯდომარეები ბათუმში
არქივი
  

       

რედაქტორის აზრი

უიმედოთა სოფელი
სამკურნალო წყლის - „ძუღურის“ შესახებ პირველად რამდენიმე დღის წინ შევიტყვე. ინფორმაციის მოძიების შემდეგ გავიგეთ, რომ „ძუღურის წყალი“ ქუთაისში ჯაჭვის ხიდთან იყიდებოდა. იქიდან დაიწყო
ვრცლად...
რა დაემართა სამართლიანობის აღდგენის ოცნებას
პატიმართა მასობრივი პროტესტის მიზეზები
არქივი
თემები
კატეგორიები

Copyright © 2004 - 2016 HRIDC