23:10, Tuesday, 03.05.2016
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

იუსტიციის სამინისტროსთან ჟურნალისტების სოლიდარობის აქცია გაიმართა

25.05.2012

ინტერპრესნიუსი

იუსტიციის სამინისტროსთან გამართულ სოლიდარობის აქციაზე ჟურნალისტებზე ზეწოლის ფაქტების გამოძიება მოითხოვეს. აქციაში მონაწილეობდნენ ცენტრალური და რეგიონული მედიასაშუალებებისა და არასამთავრობო ორგანიზაციების წარმომადგენლები.

როგორც სოლიდარობის აქციაზე ჟურნალისტმა ზვიად ქორიძემ განაცხადა, განსაკუთრებით რეგიონებში მოქმედი ჟურნალისტები ტოტალურ დევნას განიცდიან და აუცილებელია რეაგირება.

„პროფესიული საქმიანობის შესრულებისას ცალკეული ხელის შეშლის საქმეები, ძალადობის ფაქტები არის აბსოლუტურად გამოუძიებელი. არ არსებობს არც ერთი ფაქტი, რომელზეც შეიძლება ითქვას, რომ სრულყოფილი გამოძიებით, ან სასამართლო პროცესით დასრულდა. ვერც საჯარო იმ მოხელეს გავიხსენებთ, რომელიც დაისაჯა იმის გამო, რომ ჟურნალისტს ხელი შეუშალა მუშაობაში“, - განაცხადა ქორიძემ.

ჟურნალ „ლიბერალის“ მთავარი რედაქტორის, შორენა შავერდაშვილის თქმით, უამრავი გამოუძიებელი ფაქტია ჟურნალისტებთან დაკავშირებით, მათ შორის გასული წლის 26 მაისის შემთხვევები.

„ხვალ ერთი წელი სრულდება და ეს ფაქტები კიდევ გამოუძიებელია“, - განაცხადა შავერდაშვილმა.

ჟურნალისტ გელა მთივლიშვილის განცხადებით, ჟურნალისტებზე განხორციელებული ძალადობის ფაქტების გამოუძიებლობასთან დაკავშირებით ჟურნალისტთა ეთიკის ქარტია აქტივობას გააგრძელებს და დიპლომატიურ კორპუსს აცნობებს არსებულ ვითარებას.

აქციას სოლიდარობა გამოუცხადა არასამთავრობო ორგანიზაციების კოალიცია „არჩევანის თავისუფლებისთვის“ წარმომადგენელმა ირაკლი მელაშვილმა. მისი თქმით, ხელისუფლება დაინტერესებულია, რომ ინფორმაცია რეგიონებში ნაკლებად გავრცელდეს. „ამ ხელის შეშლამ მიიღო არანორმალური სახე. ბოლო ერთი თვის განმავლობაში ოცი ფაქტი გამოვლინდა, რაც განპირობებულია სწორედ იმით, რომ ხელისუფლებამ რეგიონებში ინფორმაციის გავრცელება მაქსიმალურად შეზღუდოს“, - განაცხადა ირაკლი მელაშვილმა.

ამასთან, იუსტიციის სამინისტროდან საპარლამენტო უმრავლესობის წარმომადგენელი პავლე კუბლაშვილი გამოვიდა, რომელმაც განაცხადა, რომ ჟურნალისტები საზოგადოებისთვის მნიშვნელოვან საქმიანობას ეწევიან და მათ ხელი არ უნდა შეეშალოთ.

ჟურნალისტმა მაგდა პოპიაშვილმა პავლე კუბლაშვილს პლაკატი - „ხელს ნუ გვიშლით“ გადასცა.

ჟურნალისტების სოლიდარობის აქცია დღეს რეგიონებშიც გაიმართა.


Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
გიორგი კვირიკაშვილის პრემიერ-მინისტრად დანიშვნამ რა გავლენა იქონია ადამიანის უფლებების მდგომარეობაზე?
გაუმჯობესდა გაუარესდა არაფერი შეცვლილა მიჭირს პასუხის გაცემა

ბლოგი

კუდები გვაკვირვებს
ბოლო დღეების განმავლობაში საზოგადოებისთვის თვალშისაცემია კამპანია „ეს შენ გეხებას“ გააქტიურება. კამპანიის ცნობილ მარკაზე გაჩნდა ახალი წარწერა - „ისევ გვისმენენ - ისევ გვითვალთვალებენ“. ეს
ვრცლად...
მოჩვენებითი მშვიდობა ბალკანეთში
მშიერი კომისიის წევრები და გაბრაზებული თავმჯდომარეები ბათუმში
არქივი
  

       

რედაქტორის აზრი

უიმედოთა სოფელი
სამკურნალო წყლის - „ძუღურის“ შესახებ პირველად რამდენიმე დღის წინ შევიტყვე. ინფორმაციის მოძიების შემდეგ გავიგეთ, რომ „ძუღურის წყალი“ ქუთაისში ჯაჭვის ხიდთან იყიდებოდა. იქიდან დაიწყო
ვრცლად...
რა დაემართა სამართლიანობის აღდგენის ოცნებას
პატიმართა მასობრივი პროტესტის მიზეზები
არქივი
თემები
კატეგორიები

Copyright © 2004 - 2016 HRIDC