04:10, Wednesday, 27.07.2016
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

საქართველო აშშ–ის ანგარიშში ადამიანთა ტრეფიკინგის შესახებ

21.06.2012

სივილ ჯორჯია

საქართველო სექსუალური ექსპლოატაციის და იძულებითი შრომის თვალსაზრისით ადამიანთა ტრეფიკინგის წყაროს, ტრანზიტის და დანიშნულების ქვეყანას წარმოადგენს მიუხედავად იმისა, რომ საქართველოს ხელისუფლებამ გააუმჯობესა ტრეფიკინგთან ბრძოლისკენ მიმართული ძალისხმევა, ნათქვამია აშშ–ის სახელმწიფო დეპარტამენტის ყოველწლიურ ანგარიშში, რომელიც 19 ივნისს გამოქვეყნდა და რომელიც 2011 წლის პერიოდს მოიცავს.

უკვე ექვსი წელია ტრეფიკინგის შესახებ ანგარიშში საქართველო „პირველ ჯგუფში“ ხვდება – უმაღლეს კატეგორიაში, რომელიც მართალია არ ნიშნავს იმას, რომ ქვეყანაში ადამიანთა ტრეფიკინგის პრობლემა არ დგას, მაგრამ მიუთითებს, რომ მისი მთავრობა გარკვეულ ძალისხმევას მიმართავს, რათა ეს პრობლემა მოაგვაროს და ტრეფიკინგის აღმოფხვრის მინიმალური სტანდარტები დააკმაყოფილოს.

2012 წლის ანგარიშში მოხვედრილი 185 ქვეყნიდან, 33–მა სრულად დააკმაყოფილა თავიანთი კანონმდებლობით გათვალისწინებული ტრეფიკინგის საწინააღმდეგო ღონისძიებები და ოთხსაფეხურიანი სარეიტინგო სისტემის თავში მოექცა.

თუ ბოლო ათწლეულის მანძილზე საქართველო ადამიანთა ტრეფიკინგის შესახებ ანგარიშებში მოხსენიებული იყო, როგორც ადამიანთა ტრეფიკინგის „წყარო და სატრანზიტო ქვეყანა“, გასული წლის ანგარიშში, რომელიც 2010 წელს მოიცავს, ნათქვამია, რომ საქართველო დანიშნულების ქვეყანაც იყო „უფრო ნაკლები ხარისხით“. ახალ ანგარიშში კი საქართველო მოხსენიებულია, როგორც „წყარო, ტრანზიტის და დანიშნულების ქვეყანა“.

„ქალები და გოგონები საქართველოდან სექსუალური ტრეფიკინგის მსხვერპლი ხდებიან ქვეყნის შიგნით და ასევე თურქეთსა და არაბეთის გაერთიანებულ საამიროებში“, – ნათქვამია 2012 წლის ანგარიშში, „ქალებს უზბეკეთიდან და შესაძლოა სხვა ქვეყნებიდანაც საქართველოში კომერციული სექსის ინდუსტრიაში იძულებით პროსტიტუციაში აბამენ“.

ანგარიშის თანახმად, იყო შემთხვევები, როდესაც მამაკაცები და ქალები საქართველოს ფარგლებში იძულებითი შრომის მსხვერპლნი გახდნენ, ხოლო ქართველები იძულებით შრომაში ჩააბეს რუსეთში, თურქეთსა და რამდენიმე სხვა ქვეყანაში. ანგარიშში ასევე ნათქვამია, რომ ბოლო წლებში საქართველოში დაფიქსირდა უცხოელების ექსპლოატაციის შემთხვევები სოფლის მეურნეობის, მშენებლობის და საშინაო მომსახურების სფეროებში, ხოლო თურქი მამაკაცები იძულებითი შრომის მსხვერპლნი გახდნენ „აფხაზეთის ოკუპირებულ ტერიტორიაზე“.

ანგარიშის თანახმად, საქართველოს ხელისუფლებამ გარკვეულ გაუმჯობესებას მიაღწია ტრეფიკინგის წინააღმდეგ სამართალწარმოების საქმეში და ტრეფიკინგთან დაკავშირებით გამოძიებული საქმეების რაოდენობაც გაზარდა. 2011 წელს 16 საქმე აღიძრა 18 პირის მონაწილეობით, საიდანაც ხუთი გასამართლდა და დამნაშავედ იქნა ცნობილი სექსუალური ექსპლოატაციის საქმეში, ნათქვამია ანგარიშში, რომლის თანახმადაც, 2010 წელს 11 ანალოგიური საქმე იყო აღძრული ასევე 18 პირის მონაწილეობით და მხოლოდ ერთი ადამიანი დაისაჯა.

თუმცა, 2012 წლის ანგარიში ასევე აღნიშნავს ტრეფიკინგის მსხვერპლთა გამოვლენის დინამიკის შემცირებას, ვინაიდან ხელისუფლების მიერ ამ კუთხით გაწეული ძალისხმევა „არ იყო ეფექტური“ 2011 წლის პირველ ნახევარში. სულ 18 მსხვერპლი იქნა გამოვლენილი და უმეტესობა მათგანი 2011 წლის ბოლოს, 2010 წელს იდენტიფიცირებული 19 და 2009 წელს – 48 მსხვერპლის ნაცვლად.

„ქვეყნის ექსპერტებმა შეშფოთება გამოხატეს მსხვერპლთა იდენტიფიცირების დაბალი დონის გამო და ზოგადად იმ წარუმატებლობის გამო, რომ ვერ ხდება ტრეფიკინგის მსხვერპლთა ადგილის დადგენა“, – ნათქვამია ანგარიშში.

იგი ასევე აღნიშნავს, რომ გასულ წელს ხელისუფლებამ გაზარდა ტრეფიკინგის მსხვერპლთა დაფინანსება თითქმის 50%–ით, მათ შორის 302 000 აშშ დოლარი გამოყო ტრეფიკინკის მსხვერპლთა ორი სახელმწიფო თავშესაფრის დასაფინანსებლად.

ფოტო:primetimrnews.ge

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
თქვენი აზრით, როგორია წინასაარჩევნო გარემო?
სამართლიანი არასამართლიანი მიჭირს პასუხის გაცემა

ბლოგი

კუდები გვაკვირვებს
ბოლო დღეების განმავლობაში საზოგადოებისთვის თვალშისაცემია კამპანია „ეს შენ გეხებას“ გააქტიურება. კამპანიის ცნობილ მარკაზე გაჩნდა ახალი წარწერა - „ისევ გვისმენენ - ისევ გვითვალთვალებენ“. ეს
ვრცლად...
მოჩვენებითი მშვიდობა ბალკანეთში
მშიერი კომისიის წევრები და გაბრაზებული თავმჯდომარეები ბათუმში
არქივი
  

       

რედაქტორის აზრი

უიმედოთა სოფელი
სამკურნალო წყლის - „ძუღურის“ შესახებ პირველად რამდენიმე დღის წინ შევიტყვე. ინფორმაციის მოძიების შემდეგ გავიგეთ, რომ „ძუღურის წყალი“ ქუთაისში ჯაჭვის ხიდთან იყიდებოდა. იქიდან დაიწყო
ვრცლად...
რა დაემართა სამართლიანობის აღდგენის ოცნებას
პატიმართა მასობრივი პროტესტის მიზეზები
არქივი
თემები
კატეგორიები

Copyright © 2004 - 2016 HRIDC