22:36, Sunday, 12.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ჩარგალში ივანიშვილთან შეხვედრის გამო მოქალაქეები პოლიციაში დაიბარეს

01.08.2012
 
რამდენიმე მოქალაქე, რომლებიც 14 ივლისს, ვაჟაობისთვის, დუშეთის რაიონის სოფელ ჩარგალში ჩასულ ბიძინა ივანიშვილს შეხვდნენ და ხელი ჩამოართვეს, ჟინვალის პოლიციაში დაიბარეს.

„14 ივლისს ვაჟაობა იყო. ბიძინა ივანიშვილი იყო ჩამოსული. ჩარგალში ვცხოვრობ და დავინტერესდი. ბიძინა რომ მოვიდა, რამდენიმე ადამიანს ხელი ჩამოართვა, მოგვესალმა, მივესალმეთ. ღონისძიებებს დავესწარი, მერე ჩვეულებრივ სახლში დავბრუნდი. 4 დღის შემდეგ სახლში ჟინვალის პოლიციის თანამშრომელმა მომაკითხა, პოლიციაში ხარ დაბარებულიო. გასულ კვირას ვიყავი პოლიციაში. მითხრეს, იქ რა გინდოდაო. უხეშად იქცეოდნენ. გვარი – სახელი არ უთქვამთ ვინ იყვნენ, პოლიციის ფორმა ეცვათ და გასაუბრებაც პოლიციის განყოფილებაში შედგა. მითხრეს, რომ სადაც ივანიშვილი იქნება, იქაურობას ახლოს არ უნდა გავეკარო, თორემ მეც და ჩემს შვილსაც პრობლემა შეგვექმნება, საპროცესოთიც ვერ გახვალთ გარეთო“, – განუცხადა მცხეთა – მთიანეთის საინფორმაციო ცენტრს ჩარგალში მცხოვრებმა ერთ–ერთმა მამაკაცმა.
 
მასთან პოლიციის თანამშრომლის ვიზიტი და პოლიციაში დაბარების ფაქტი მამაკაცის ოჯახის წევრებმაც დაადასტურეს.
 
მცხეთა–მთიანეთის საინფორმაციო ცენტრი ჟინვალის პოლიციას დაუკავშირდა, სადაც კომენტარი არ გააკეთეს.
 
შეგახსენებთ, რომ მანამდე პოლიციაში დაიბარეს კოალიცია „ქართული ოცნების“ მხარდამჭერები, რომლებმაც პირველ ივლისს, მცხეთაში გამართულ აქციაში მიიღეს მონაწილეობა. „ქართული ოცნების“ დუშეთის შტაბის უფროსის დოდო ჩოხელის განცხადებით, სოფელ ქვეშეთის სკოლის დირექტორი კამილა ხევსურიშვილი კოალიციის მხარდამჭერებს სკოლიდან ბავშვების გარიცხვით დაემუქრა.

მცხეთა-მთიანეთის საინფორმაციო ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ახალი კორონავირუსის გავრცელების გამო დაკარგეთ თუ არა სამსახური?
დიახ არა

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC