01:18, Tuesday, 23.09.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

მცხეთა-მთიანეთის საინფორმაციო ცენტრი დუშეთის გამგეობას სასამართლოში უჩივის

01.08.2012

მცხეთა-მთიანეთის საინფორმაციო ცენტრი

მცხეთა–მთიანეთის საინფორმაციო ცენტრმა (www.icmm.ge) დუშეთის მუნიციპალიტეტის გამგეობის წინააღმდეგ მცხეთის რაიონულ სასამართლოში სარჩელი შეიტანა. ინტერნეტგამოცემა გამგეობას საქართველოს ზოგადი ადმინისტრაციული კოდექსით დადგენილი მოთხოვნების დარღვევაში ადანაშაულებს. 

მცხეთა–მთიანეთის საინფორმაციო ცენტრის ხელმძღვანელის გელა მთივლიშვილის თქმით, 9 ივლისს, მცხეთა–მთიანეთის საინფორმაციო ცენტრმა წერილით მიმართა დუშეთის მუნიციპალიტეტის გამგეობის საჯარო ინფორმაციის ხელმისაწვდომობის უზრუნველყოფაზე პასუხისმგებელ პირს და საჯარო ინფორმაცია მოითხოვა.
 
„მცხეთა–მთიანეთის საინფორმაციო ცენტრი ჩართულია სოფლის დახმარების პროგრამის მონიტორინგის პროექტში, რომელსაც არასამთავრობო ორგანიზაცია „სამოქალაქო აქტივობების ცენტრი“ ფონდ „ღია საზოგადოება – საქართველოს“ მხარდაჭერით ახორციელებს. მონიტორინგისთვის გვჭირდებოდა საჯარო ინფორმაცია, კერძოდ: 2010, 2011, 2012 წლებში სოფლის დახმარების პროგრამის ფარგლებში რა თანხა გამოეყო დუშეთის მუნიციპალიტეტს. რომელ სოფელს რა თანხა შეხვდა; რა გაკეთდა თითოეულ სოფელში, რომელმა კომპანიებმა შეასრულეს სამუშაოები. ჩვენს მიერ მოთხოვნილი საჯარო ინფორმაცია წესით გამზადებული სახით უნდა არსებობდეს გამგეობაში და დაუყოვნებლივ უნდა მოეწოდებინათ. მიუხედავად ამისა, გამგეობამ, ინფორმაცია საჯარო ინფორმაციის გასაცემად კანონით გათვალისწინებულ მაქსიმალურ ვადაში, 10 დღის განმავლობაშიც კი არ მოგვაწოდა, რაც არის კანონის დარღვევა. ამის გამო 19 ივლისს, ადმინისტრაციული საჩივრით მივმართეთ დუშეთის მუნიციპალიტეტის გამგებლის მოვალეობის შემსრულებელს ბესიკ შაღაშვილს. გასაჩივრების მიუხედავად საჯარო ინფორმაცია დღემდე ვერ მივიღეთ და არც ის გვაცნობეს, გამგეობამ მიიღო თუ არა ჩვენი ადმინისტრაციული საჩივარი წარმოებაში. ფაქტობრივად განცხადებაც და საჩივარიც უპასუხოდ დატოვეს. ამიტომ, გადავწყვიტეთ, რომ სასამართლოსთვის მიგვემართა“, – აღნიშნა გელა მთივლიშვილმა.
 
მცხეთა–მთიანეთის საინფორმაციო ცენტრი ითხოვს, მცხეთის სასამართლომ დუშეთის გამგეობას მოთხოვნილი საჯარო ინფორმაციის დაუყოვნებლივ გაცემა დაავალოს. ამასთან, საინფორმაციო ცენტრი დუშეთის გამგებლისგან მოითხოვს, საჯარო ინფორმაციის გაცემაზე პასუხისმგებელ პირს მოვალეობის შეუსრულებლობის გამო დისციპლინური პასუხისმგებლობა დაეკისროს.

მთივლიშვილის თქმით, სასამართლოში სარჩელის შეტანასთან ერთად, მცხეთა – მთიანეთის საინფორმაციო ცენტრი რეაგირებისათვის საქართველოს სახალხო დამცველს და მცხეთა–მთიანეთის გუბერნატორსაც მიმართავს.
 
ეს არ არის პირველი შემთხვევა, როცა დუშეთის მუნიციპალიტეტის გამგეობამ მცხეთა–მთიანეთის საინფორმაციო ცენტრს საჯარო ინფორმაცია არ მიაწოდა. სახალხო დამცველის 2011 წლის 645-გვერდიან ანგარიშში საჯარო ინფორმაციის ხელმისაწვდომობის უფლების დარღვევის ფაქტებს საგანგებო ადგილი ეთმობა. ინფორმაციის თავისუფლების თავში სახალხო დამცველი მოთხოვნილი საჯარო ინფორმაციის არასრულყოფილი სახით გაცემასა და საჯარო ინფორმაციის გაცემის ვადების დარღვევაზე ამახვილებს ყურადღებას. გიორგი ტუღუშს მაგალითად მცხეთა – მთიანეთის საინფორმაციო ცენტრის საქმე მოჰყავს.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
როგორ აფასებთ თბილისის ყოფილი მერის, გიგი უგულავას დაკავებას?
დააკავეს რეალური დანაშაულისათვის, საპროცესო ნორმების დაცვით დააკავეს რელური დანაშაულისათვის, მაგრამ საპროცესო ნორმების დარღვევით დააკავეს არარეალური ბრალდებით, პოლიტიკური მოტივებით მიჭირს პასუხის გაცემა

ბლოგი

მოჩვენებითი მშვიდობა ბალკანეთში
ხანგრძლივი და რთული მოსამზადებელი პერიოდის, წვალების შემდეგ 30 ივლისს სარაევოში ჩავფრინდით. ცუდი მეტეოპირობების გამო, დაფრენის დროს განცდილი დიდი შიშის მიუხედავად, თვითმფრინავის ილუმინატორიდან სარაევოს
ვრცლად...
მშიერი კომისიის წევრები და გაბრაზებული თავმჯდომარეები ბათუმში
ბეჭედი ნაკვეთურის გარეშე და ორსახელიანი ამომრჩეველი გურიაში
არქივი
    

რედაქტორის აზრი

რა დაემართა სამართლიანობის აღდგენის ოცნებას
„მართლმსაჯულების ხარვეზები“ - რბილად ასე ვუწოდებთ იმ სისტემურ პრობლემებს, რაც ქართულ მართლმსაჯულებას ექს-პრეზიდენტ მიხეილ სააკაშვილის მმართველობის წლებში ახასიათებდა. 
ვრცლად...
პატიმართა მასობრივი პროტესტის მიზეზები
შემოდგომის ბუზი
არქივი
თემები
კატეგორიები

Copyright © 2004 - 2014 HRIDC