10:09, Saturday, 26.07.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ოპოზიციური პარტიები თვლიან, რომ კონსტიტუციური სარჩელის განხილვა მიზანმიმართულად ჭიანურდება

21.08.2012

მაკა მალაყმაძე, აჭარა

ხუთმა ოპოზიციურმა პოლიტიკურმა პარტიამ საქართველოს საკონსტიტუციო სასამართლოში სარჩელი 25 მაისს შეიტანა. ისინი საქართველოს ორგანული კანონის _ „მოქალაქეთა პოლიტიკური გაერთიანების“ შესახებ ექვს ნორმას ასაჩივრებენ. სარჩელი დღემდე არ განხილულა. მოსარჩელეები თვლიან, რომ განხილვა განზრახ ჭიანურდება.

„თავისუფალი საქართველო“, „დემოკრატიული მოძრაობა - ერთიანი საქართველო“, „სოციალ-დემოკრატები საქართველოს განვითარებისათვის“, „ქართველ ტრადიციონალისტთა კავშირი“ და „მწვანეთა პარტია“ - ეს ხუთი პოლიტიკური სუბიექტი ერთობლივი სარჩელით საკონსტიტუციო სასამართლოს კონკრეტული ნორმების არალეგიტიმურად ცნობას ითხოვენ.

სარჩელი ეხება კანონის იმ ნორმებს, რომელიც ზღუდავს შემოწირულობების განხორციელებას, საჯარო ღონისძიებების მეშვეობით მიღებული შემოწირულობის ოდენობას. ასევე, საარჩევნო სუბიექტისადმი საარჩევნო რეგისტრაციის შეჩერების ხერხსა და საქართველოს კონტროლის პალატის მიერ პარტიის, ფიზიკური და იურიდიული პირების ქონებებისადმი ყადაღის დადებას.

გასაჩივრებულ ნორმებს შეიცავს საქართველოს ორგანული კანონი „მოქალაქეთა პოლიტიკური გაერთიანების“ შესახებ. კერძოდ, ეს ნორმებია: აღნიშნული კანონის 26-ე მუხლის 1 პუნქტის ა’ ქვეპუნქტი; კანონის 27-ე მუხლის მე-5 და მე-6 პუნქტები; 26 მუხლის მე-4 პუნქტის მე-2 წინადადება: „საჯარო ღონისძიებების მეშვეობით მიღებული შემოწირულობის ოდენობა არ უნდა აღემატებოდეს 30.000 ლარს წელიწადში“; კანონის 342-ე მუხლის მე-7 და მე-8 პუნქტები.

რამინ პაპიძე, პოლიტიკური გაერთიანება „თავისუფალი საქართველოს“ მაჟორიტარობის კანდიდატი ბათუმში, აცხადებს რომ სარჩელის განხილვა მიზანმიმართულად ჭიანურდება. მისი თქმით, „მოქალაქეთა პოლიტიკური გაერთიანების შესახებ“ კანონით ხელისუფლება ცდილობს, არათანაბარ პირობებში ჩააყენოს პოლიტიკური პარტიები: „თუკი საკონსტიტუციო სასამართლო ამ სარჩელს არ განიხილავს დროულად, ფაქტობრივად შემდგომში ამ სარჩელის განხილვა და თუნდაც მისი დაკმაყოფილება აზრს კარგავს, რადგანაც გადაწყვეტილების რეალიზება ვერ მოხდება შემდგომ საპარლამენტო არჩევნებამდე. ამიტომაც, სასამართლომ სარჩელი დროულად უნდა განიხილოს, რადგან ოპოზიციური პარტიები არათანაბარ პირობებში ვართ სახელისუფლო პარტიასთან“.

რამინ პაპიძე სარჩელის განხილვის გაჭიანურებაში საკონსტიტუციო სასამართლოს თავმჯდომარეს ადანაშაულებს: „მართალია, სარჩელის განხილვის ვადა ჯერ არ ამოწურულა, მაგრამ სასამართლოს თავმჯდომარე, გიორგი პაპუაშვილი უნდა აცნობიერებდეს სარჩელის არსს, დანიშნულებასა და მოტივაციას. ამიტომაც ვაცხადებთ რომ განზრახ აჭიანურებს, რადგან უკვე წინასაარჩევნო პერიოდია და საქმე ჩანიშნულიც კი არა აქვთ“.

ადამიანის უფლებათა ცენტრი საქართველოს საკონსტიტუციო სასამართლოს საზოგადოებასთან ურთიერთობის სამსახურს დაუკავშირდა. სამსახურის უფროსმა, ნათია სირაბიძემ სასამართლოს ოფიციალურ ვებ-პორტალზე აღნიშნულ სარჩელთან დაკავშირებით გაკეთებულ ოფიციალურ ინფორმაციაზე მიგვითითა. განცხადებაში ნათქვამია: „საკონსტიტუციო სასამართლო კონსტიტუციურ სარჩელს/წარდგინებას იხილავს მოქმედი კანონმდებლობით გათვალისწინებულ ვადებში. კერძოდ,  „საქართველოს საკონსტიტუციო სასამართლოს შესახებ“ საქართველოს ორგანული კანონის  22–ე მუხლის პირველი პუნქტის შესაბამისად, კონსტიტუციური სარჩელის ან კონსტიტუციური წარდგინების განხილვის ვადა არ უნდა აღემატებოდეს 9 თვეს საკონსტიტუციო სასამართლოში კონსტიტუციური სარჩელის ან კონსტიტუციური წარდგინების რეგისტრაციის მომენტიდან. ამავდროულად, კანონმდებლობა ითვალისწინებს საკონსტიტუციო სასამართლოს სასესიო მუშაობას. საქართველოს საკონსტიტუციო სასამართლოს რეგლამენტის  451  მუხლის თანახმად,  ამჟამად სასამართლოში არის არასასესიო პერიოდი“.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
თქვენი აზრით, ირღვევა თუ არა წინა ხელისუფლების ყოფილი მაღალჩინოსნების უფლებები?
ირღვევა არ ირღვევა არა ვარ ინფორმირებული მიჭირს პასუხის გაცემა

ბლოგი

მოჩვენებითი მშვიდობა ბალკანეთში
ხანგრძლივი და რთული მოსამზადებელი პერიოდის, წვალების შემდეგ 30 ივლისს სარაევოში ჩავფრინდით. ცუდი მეტეოპირობების გამო, დაფრენის დროს განცდილი დიდი შიშის მიუხედავად, თვითმფრინავის ილუმინატორიდან სარაევოს
ვრცლად...
მშიერი კომისიის წევრები და გაბრაზებული თავმჯდომარეები ბათუმში
ბეჭედი ნაკვეთურის გარეშე და ორსახელიანი ამომრჩეველი გურიაში
არქივი
    

რედაქტორის აზრი

რა დაემართა სამართლიანობის აღდგენის ოცნებას
„მართლმსაჯულების ხარვეზები“ - რბილად ასე ვუწოდებთ იმ სისტემურ პრობლემებს, რაც ქართულ მართლმსაჯულებას ექს-პრეზიდენტ მიხეილ სააკაშვილის მმართველობის წლებში ახასიათებდა. 
ვრცლად...
პატიმართა მასობრივი პროტესტის მიზეზები
შემოდგომის ბუზი
არქივი
თემები
კატეგორიები

Copyright © 2004 - 2014 HRIDC