13:05, Friday, 05.06.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

„ქართული ოცნების“ აქტივისტების სასამართლო პროცესი უკვე მეორედ გადაიდო

23.08.2012
 
21 აგვისტოს ქუთაისში ამომრჩევლის მოსყიდვაში ბრალდებული „ქართული ოცნების“ აქტივისტების სასამართლო პროცესი კვლავ გადაიდო. ამის მიზეზი საქმის არსებით განხილვაზე პროკურორის შუამდგომლობა გახდა. მისი განმარტებით, ზაფხულის გამო მოწმეები პროცესზე ვერ მოვიდნენ, გარდა ერთი მოწმისა. მხოლოდ ერთი მოწმის პირობებში კი საქმის განხილვა შეუძლებელი იქნება.

„რა თქმა უნდა, პროკურატურას მიზეზი არ დაელევა, რომ ეს საქმე გააჭიანუროს. ის ერთადერთი მოწმე, რომელიც მან პროცესზე წარმოადგინა, ნასამართლევი ირაკლი მიქაბერიძე გახლდათ. იგი აიძულეს ის ეთქვა, რაც პროკურატურის წარმომადგენლებმა წინასწარ უთხრეს. ასე რომ, ფაქტიურად, მოწმე არა ირაკლი მიქაბერიძე, არამედ თავად პროკურორი იყო“- ამბობს კოალიცია „ქართული ოცნების“ წევრი, „რესპუბლიკური პარტიის“ ქუთაისის ორგანიზაციის თავმჯდომარე ნატო ქათამაძე.

ნინო ყურუას, კობა ჯაბუას და კიდევ რამდენიმე აქტივისტის სასამართლო პროცესი 6 სექტემბერს განახლდება. 

„ქართული ოცნების“ ქუთაისის ორგანიზაციის წარმომადგენელთა განცხადებით: „ალბათ, 6 სექტემბერსაც იგივე მოწმეს მოიყვანენ და პროცესს ისევ უაზრო მიზეზების გამო გადადებენ. ამასობაში არჩევნებიც მოვა და ჩვენი გამარჯვების შემთხვევაში, იტყვიან, რომ ეს ადამიანები უდანაშაულოები იყვნენ და გაუშვებენ. ღმერთმა დაგვიფაროს და დამარცხების შემთხვევაში კი, მათ (კაცმა არ იცის, რამდენი ხნით) ციხეში გაამწყვდევენ“.

ნინო ყურუა, კობა ჯაბუა, მიხეილ მესხი, მიხეილ ამაშუკელი და გაგა ამბროლაძე პოლიციამ 5 ივნისს იმ დროს დააკავა, როცა ქუთაისის ქუჩებში საინფორმაციო ბუკლეტებს არიგებდნენ (10 ივნისს ქუთაისში „ქარული ოცნების“ აქცია იყო დაგეგმილი). მათ ამომრჩევლის მოსყიდვაში დასდეს ბრალი, საქართველოს სისხლის სამართლის კოდექსის 161-ე მუხლით. 

ნინო ყურუა და კობა ჯაბუა 3 ათასი ლარის გირაოს სანაცვლოდ რამდენიმე დღეში გაათავისუფლეს, მიხეილ მესხს, მიხეილ ამაშუკელსა და გაგა ამბროლაძეს კი ორთვიანი წინასწარი პატიმრობა შეუფარდეს. ვადის გასვლის შემდეგ მათ პატიმრობა კვლავ გაუგრძელეს. ისინი დღემდე დაკავებული არიან.

შორენა კაკაბაძე, ქუთაისი
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC