11:58, Friday, 05.06.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ხელვაჩაურის საკრებულოს ოპოზიციონერი წევრი პოლიტიკური ნიშნით იდევნება

24.08.2012

ხელვაჩაურის მუნიციპალიტეტის საკრებულოს ოპოზიციონერი წევრი, სულიკო მიქელაძე აცხადებს, რომ იგი შესაძლოა დააკავონ. სულიკო მიქელაძეს ხელვაჩაურის პოლიციის გამომძიებელი ოლეგ მიქელაძე ტელეფონით დაუკავშირდა და აცნობა, რომ უნდა გამოცხადდეს სსკ-ის 362 მუხლით გათვალისწინებულ საქმესთან დაკავშირებით მოწმის სტატუსით დასაკითხად.

აღნიშნულ საკითხზე, სულიკო მიქელაძემ და მისმა დამცველმა, ირაკლი შავაძემ 23 აგვისტოს ბრიფინგი გამართეს დემოკრატიული ჩართულობის ბათუმის ოფისში.

როგორც მიქელაძე აცხადებს, გამოძიება მიმდინარეობს 6 აგვისტოს ოპოზიციონერი საკრებულოს წევრების მიერ საკრებულოში დატოვებულ განცხადებასთან დაკავშირებით, სადაც მათ ბეშუმში, შუამთობის დღესასწაულზე მომხდარი ინციდენტი გააპროტესტეს. განცხადებაში გამოთქმულია მოსაზრება, რომ ოპოზიციონერი საკრებულოს წევრები არ დაესწრებიან საკრებულოს სხდომებს. განცხადებაში ხელისმომწერთა გრაფაში მითითებულია ვახტანგ კახიძის (საკრებულოს წევრი ქდმ-ს პარტიიდან) სახელი და გვარი, რომლის მიერ შესრულებული ხელმოწერაც არ არის განცხადებაზე. შესაბამისად, გამოძიება მიმდინარეობს კახიძის ხელმოწერის გაყალბებასთან დაკავშირებით.

„აღნიშნულს ვაფასებ როგორც ხელისუფლების მიერ შეთითხნილი ბრალდებით ჩემი დაშინების მცდელობად. ამიტომაც, მივმართავ არასამთავრობო სექსტორის წარმომადგენლებს, განახორციელონ მონიტორინგი აღნიშნულ ფაქტზე“, - განაცხადა სულიკო მიქელაძემ.

სულიკო მიქელაძის ინტერესებს იურისტი ირაკლი შავაძე იცავს. შავაძის განცხადებით, ოპოზიციონერთა ერთობლივი განცხადება ბოიკოტთან დაკავშირებით გაკეთებული ხელმოწერა არ წარმოადგენს საქართველოს სსკ-ის 362-ე მუხლით გათვალიწინებულ დანაშაულს: „ვინაიდან აღნიშნული განცხადება არ წარმოადგენს ოფიციალურ დოკუმენტს და შესაბამისად, აღნიშნული განცხადებით, რაიმე უფლება არ წარმოშობია ვახტანგ კახიძეს და არ მომხდარა მისი უფლებების შეზღუდვა, არარსებულ დანაშაულზე გამოძიების დაწყება მიუთითებს მიქელაძის პოლიტიკური ნიშნით დევნას“.

მაკა მალაყმაძე, აჭარა

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC