07:42, Saturday, 06.06.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

„ალიონის“ რედაქტორს ჟურნალისტურ საქმიანობაში ხელი შეუშალეს

18.09.2012

14 სექტემბერს, გაზეთ „ალიონის“ რედაქტორს, ნუგზარ ასათიანს  ჟურნალისტურ საქმიანობაში ხელი შეუშალეს. ამის შესახებ humanrights.ge-ს თავად „ალიონის“ რედაქტორმა განუცხადა.

„14 სექტემბერს, 19:38 საათზე ოზურგეთში, თაყაიშვილისა და ანტონ ნაკაშიძის ქუჩების კვეთაზე, ერთ–ერთი სავაჭრო ცენტრის, „მოდერნის“ მოპირდაპირე მხარეს, შევესწარი კონფლიქტს. როგორც ჟურნალისტი, დავინტერესდი საქმის ვითარებით. გაირკვა, რომ თაყაიშვილის ქუჩაზე მისულები იყვნენ კერძო საგადასახადო ინსპექტორები, რომლებსაც ინდ.მეწარმე მაკა ჭანიასთვის საჯარიმო სანქცია გამოეწერათ. გადავიღე ფოტოები, რასაც მოჰყვა კერძო ინსპექტორების მწვავე რეაქცია. ვუთხარი, ჟურნალისტი ვარ–მეთქი და ისიც ავუხსენი, რომ საჯარო სივრცეში გადაღების უფლება მქონდა. ამის მიუხედავად, მათ მაინც არ მომცეს უფლება, შემესრულებინა პროფესიული მოვალეობა. ერთ–ერთი გამეცნო ქუთაისელ ინსპექტორად, ვინმე მირიან ნოზაძედ, მეორემ კი უარი განაცხადა ვინაობის დასახელებისაგან. სწორედ ის მეორე დამემუქრა, შემდეგ გამოიწია და ფოტოაპარატის ხელიდან გაგდება მოინდომა. მიუხედავად იმისა, რომ ხელი შეუშალეს, მან კამერას ხელი მაინც დაარტყა და დააზიანა“, - გვიამბო ნუგზარ ასათიანმა.

ნუგზარ ასათიანი ახალგაზრდა იურისტთა ასოციაციის ოზურგეთის ოფისის ხელმძღვანელს, თამაზ ტრაპაიძეს დაუკავშირდა, რომლის დახმარებით, განცხადებით მიმართა ადგილობრივ პოლიციას საქმის აღძვრის თაობაზე.

შემოსავლების სამსახურის საზოგადოებასთან ურთიერთობისა და მარკეტინგის პრესსამსახურის განცხადებით, საშემოსავლო სამსახურის თანამშრომლების მიერ ჟურნალისტის შეურაცხყოფის ფაქტს ადგილი არ ჰქონია.

ამასთან დაკავშირებით, ასათიანი აცხადებს, რომ შესაძლოა, კერძო ინსპექტორები სულაც არ იყვნენ საშემოსავლო სამსახურის თანამშრომლები: „საქმე უკვე აღძრულია. პოლიციაში დამკითხეს კიდეც. ვაპირებ, ბოლომდე დავიცვა საკუთარი სიმართლე“.

ნინო მშვიდობაძე, გურია

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC