15:23, Friday, 10.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

კახა ჟორჟოლიანს 40-დღიანი პატიმრობა შეეფარდა

24.09.2012
 
მესტიის საოლქო კომისიაში „ქართული ოცნების“ წარმომადგენელ კახა ჟორჟოლიანს ზუგდიდის საქალაქო სასამართლომ 40-დღიანი ადმინისტრაციული პატიმრობა შეუფარდა.

როგორც „ინტერპრესნიუსს“ მისმა მეუღლემ, უფლებადამცველმა ნინა ხატისკაცმა განუცხადა, სასამართლო პროცესი 2 საათის განმავლობაში მიმდინარეობდა და ისე დასრულდა, რომ მასზე მოსამართლე დავით კეკენაძეს არც მოწმეები დაუკითხავს და არც დაცვის მხარის არც ერთი შუამდგომლობა განუხილავს.

ხატისკაცის განმარტებით, მის მეუღლეს საოლქო კომისიაში ცესკოს წარმომადგენლისადმი სიტყვიერი შეურაცხყოფა, კერძოდ, გინება ედება ბრალად, თუმცა, აღნიშნულს ჟორჟოლიანი უარყოფს. „აქედან გამომდინარე, ვფიქრობთ, რომ ზუგდიდის საქალაქო სასამართლოს გადაწყვეტილება პოლიტიკურია. მას ჩვენ ხვალ სააპელაციო სასამართლოში გავასაჩივრებთ“, - აღნიშნა ხატისკაცმა.

სამართალდამცველებმა მესტიის საოლქო კომისიაში „ქართული ოცნების“ წარმომადგენელი კახა ჟორჟოლიანი 23 სექტემბერს დააკავეს. რაც შეეხება დაკავების მოტივს, ხატისკაცის თქმით, კახა ჟორჟოლიანი ამავე საოლქო კომისიაში ცესკოს წარმომადგენლის, გვარად სოფრომაძის საჩივრის საფუძველზე აიყვანეს, რომელთანაც მის მეუღლეს რამდენიმე დღის წინ შელაპარაკება მოუვიდა.

„კახა მესტიის საოლქო კომისიაში „ქართული ოცნების“ წარმომადგენელია. რამდენიმე დღის წინ მას შელაპარაკება მოუვიდა ცესკოს წარმომადგენელ სოფრომაძესთან იმის გამო, რომ მესტიაში 200-კაციანი სპეცუბანი მიამაგრეს მაშინ, როცა იქ სამხედრო ნაწილები ბაზირებული არასდროს ყოფილა. ეს იყო მცდელობა, რომ დამატებით 200 ხმა შეეტანათ მესტიაში სამხედრო უბნის სახით. სხვათა შორის, ცესკოს სამართლიანი გადაწყვეტილებით, ამ უბნის გაუქმება მოხერხდა. სწორედ ამ თემაზე მოხდა კახასა და სოფრომაძეს შორის შელაპარაკება. იქ იყო ცოტა ცხელი საუბარი, მაგრამ ფიზიკური შეხება და დაპირისპირება არ ყოფილა. როგორც აღმოჩნდა, ამ ფაქტთან დაკავშირებით სოფრომაძემ საჩივარი დაწერა, სადაც კახას სხდომის ჩატარების ხელშეშლაში ადანაშაულებს“, - განაცხადა ნინა ხატისკაცმა. 

ინტერპრესნიუსი
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC